23 tamyz kúni RF Altai Respýblikasynda aýdarylǵan shaǵyn avtobýstan zardap shekkenderdiń ishinde Qazaqstan azamaty bar bolyp shyqty, dep habarlaidy QazAqparat tilshisi.
Aita ketsek, 23 tamyz kúni RF Altai aimaǵy Ongýdai aýdanyndaǵy «Shý trakty» tasjoly boiyndaǵy «Shike-Taman» asýynda «Istana» shaǵyn avtobýsynyń aýdarylyp qalǵany týraly TASS agenttigi jazǵan bolatyn. Osynyń saldarynan aýdandyq aýrýhanaǵa shaǵyn avtobýstyń ishindegi 14 adam jetkizilip, onyń 12-i aýrýhanaǵa jatqyzylǵan.
Atalmysh tasjolmen Qazaqstan azamattary da Mońǵoliiaǵa saparlaityndyqtan, QR Syrtqy ister ministrligine habarlasyp, zardap shekkenderdiń ishinde qazaqstandyqtardyń bar-joǵyn bilmek boldyq. Anyqtalǵanyndai, zardap shekkenderdiń ishinde - 1949 jyly týǵan Qazaqstan azamaty bar bolyp shyqty.
«Bul jol-kólik oqiǵasy týraly estigennen keiin biz Ombydaǵy jergilikti bilikpen bailanysqa shyqtyq. RF IIM bólimshesiniń keltirgen málimetine sáikes, Altai Respýblikasy Ongýdai aýdany boiynsha zardap shekkenderdiń arasynda 1949 jylǵy bir Qazaqstan azamaty (áiel) bar bolyp shyqty. Ol qazirgi ýaqytta bas súiek-mi jaraqatymen Gorno-Altaisk qalasyndaǵy Respýblikalyq aýrýhanada jatyr. Jaǵdaiy aýyr. Atalǵan másele bizdiń konsýldyqtyń baqylaýynda», - dep jaýap berdi QR SIM resmi ókili Aibek Smadiiarov.
