23 تامىز كٷنٸ رف التاي رەسپۋبليكاسىندا اۋدارىلعان شاعىن اۆتوبۋستان زارداپ شەككەندەردٸڭ ٸشٸندە قازاقستان ازاماتى بار بولىپ شىقتى, دەپ حابارلايدى قازاقپارات تٸلشٸسٸ.
ايتا كەتسەك, 23 تامىز كٷنٸ رف التاي ايماعى ونگۋداي اۋدانىنداعى «شۋ تراكتى» تاسجولى بويىنداعى «شٸكە-تامان» اسۋىندا «Istana» شاعىن اۆتوبۋسىنىڭ اۋدارىلىپ قالعانى تۋرالى تاسس اگەنتتٸگٸ جازعان بولاتىن. وسىنىڭ سالدارىنان اۋداندىق اۋرۋحاناعا شاعىن اۆتوبۋستىڭ ٸشٸندەگٸ 14 ادام جەتكٸزٸلٸپ, ونىڭ 12-ٸ اۋرۋحاناعا جاتقىزىلعان.
اتالمىش تاسجولمەن قازاقستان ازاماتتارى دا موڭعوليياعا ساپارلايتىندىقتان, قر سىرتقى ٸستەر مينيسترلٸگٸنە حابارلاسىپ, زارداپ شەككەندەردٸڭ ٸشٸندە قازاقستاندىقتاردىڭ بار-جوعىن بٸلمەك بولدىق. انىقتالعانىنداي, زارداپ شەككەندەردٸڭ ٸشٸندە - 1949 جىلى تۋعان قازاقستان ازاماتى بار بولىپ شىقتى.
«بۇل جول-كٶلٸك وقيعاسى تۋرالى ەستٸگەننەن كەيٸن بٸز ومبىداعى جەرگٸلٸكتٸ بيلٸكپەن بايلانىسقا شىقتىق. رف ٸٸم بٶلٸمشەسٸنٸڭ كەلتٸرگەن مەلٸمەتٸنە سەيكەس, التاي رەسپۋبليكاسى ونگۋداي اۋدانى بويىنشا زارداپ شەككەندەردٸڭ اراسىندا 1949 جىلعى بٸر قازاقستان ازاماتى (ەيەل) بار بولىپ شىقتى. ول قازٸرگٸ ۋاقىتتا باس سٷيەك-مي جاراقاتىمەن گورنو-التايسك قالاسىنداعى رەسپۋبليكالىق اۋرۋحانادا جاتىر. جاعدايى اۋىر. اتالعان مەسەلە بٸزدٸڭ كونسۋلدىقتىڭ باقىلاۋىندا», - دەپ جاۋاپ بەردٸ قر سٸم رەسمي ٶكٸلٸ ايبەك سماديياروۆ.
