2020 jyly Ózbekstannyń ádilet ministrligi bas prokýratýramen birlesip, Karimovanyń jalpy quny 1,3 mlrd dollar bolatyn "qylmyspen kelgen aktivterin" tárkileýge kúsh salǵanyn málimdegen. Mekeme málimetinshe, eks-prezidenttiń qyzynyń Resei esep-shottarynda 6 mln dollar bar. Sonymen birge "Kamelot" turǵyn úi kesheninde penthaýsy, Máskeýdegi elitaly "Rýblevka" aýdanynda záýlim úii men segiz páteri, qonaq úiler, Ialtada 2 mln dollarǵa baǵalanatyn jer ýchaskeleri men úileri bar.
Osyǵan deiin Gúlnara Karimovanyń Shveitsariiada tárkilengen aktivterin Ózbekstanǵa qaitarý úshin BUU janynan kóptarapty senim qory qurylǵan. Oǵan sáikes qaitarylǵan qarjy Ózbekstannyń áleýmettik, bilim berý jáne densaýlyq salasyna jumsalýy tiis.
Qazir Shveitsariia bankinen 131 mln dollardy qaitarý protsesi júrip jatyr.
2013 jyly Gúlnara Karimovaǵa qatysty Ózbekstanda "úkimet qarjysyn talan-tarajǵa salý" jáne "salyqtan jaltarý" baptary boiynsha eki birdei qylmystyq is qozǵalǵan. 2015 jyly birinshi is boiynsha bes jylǵa, 2017 jyly ekinshi is boiynsha 10 jylǵa erkindigi shektelgen. Keiin jalpy jaza bes jyl bop ózgertilgen.
2020 jyldyń naýryz aiynda Tashkent qalalyq soty oǵan "qylmystyq top qurdy, kóleńkeli aqshany zańdastyrdy, bopsalady" degen qosymsha aiyptar taǵyp, 13 jyl, 4 ai merzimge bas bostandyǵynan aiyrdy. Gúlnara Karimova 2019 jyldyń kókteminen bastap jazasyn Tashkent oblysy Zeńgi ata aýdanyndaǵy №21 áielder abaqtysynda ótep jatyr.
Ózbekstanda Gúlnara Karimovaǵa qarsy qylmystyq is AQSh pen Eýropanyń birqatar elderinde korrýptsiiaǵa qatysty iri kompaniia jetekshilerine qarsy tergeý bastalǵannan keiin qozǵalǵan. Tergeý málimetinshe, Karimova MTS, "Vympelkom", ING jáne Telia Soner sekildi iri sheteldik kompaniialardy Ózbekstan naryǵyna kirgizý úshin kompaniia jetekshilerinen 1 mlrd dollar kóleminde para alǵan.
