2020 جىلى ٶزبەكستاننىڭ ەدٸلەت مينيسترلٸگٸ باس پروكۋراتۋرامەن بٸرلەسٸپ, كاريموۆانىڭ جالپى قۇنى 1,3 ملرد دوللار بولاتىن "قىلمىسپەن كەلگەن اكتيۆتەرٸن" تەركٸلەۋگە كٷش سالعانىن مەلٸمدەگەن. مەكەمە مەلٸمەتٸنشە, ەكس-پرەزيدەنتتٸڭ قىزىنىڭ رەسەي ەسەپ-شوتتارىندا 6 ملن دوللار بار. سونىمەن بٸرگە "كامەلوت" تۇرعىن ٷي كەشەنٸندە پەنتحاۋسى, مەسكەۋدەگٸ ەليتالى "رۋبلەۆكا" اۋدانىندا زەۋلٸم ٷيٸ مەن سەگٸز پەتەرٸ, قوناق ٷيلەر, يالتادا 2 ملن دوللارعا باعالاناتىن جەر ۋچاسكەلەرٸ مەن ٷيلەرٸ بار.
وسىعان دەيٸن گٷلنارا كاريموۆانىڭ شۆەيتسارييادا تەركٸلەنگەن اكتيۆتەرٸن ٶزبەكستانعا قايتارۋ ٷشٸن بۇۇ جانىنان كٶپتاراپتى سەنٸم قورى قۇرىلعان. وعان سەيكەس قايتارىلعان قارجى ٶزبەكستاننىڭ ەلەۋمەتتٸك, بٸلٸم بەرۋ جەنە دەنساۋلىق سالاسىنا جۇمسالۋى تيٸس.
قازٸر شۆەيتسارييا بانكٸنەن 131 ملن دوللاردى قايتارۋ پروتسەسٸ جٷرٸپ جاتىر.
2013 جىلى گٷلنارا كاريموۆاعا قاتىستى ٶزبەكستاندا "ٷكٸمەت قارجىسىن تالان-تاراجعا سالۋ" جەنە "سالىقتان جالتارۋ" باپتارى بويىنشا ەكٸ بٸردەي قىلمىستىق ٸس قوزعالعان. 2015 جىلى بٸرٸنشٸ ٸس بويىنشا بەس جىلعا, 2017 جىلى ەكٸنشٸ ٸس بويىنشا 10 جىلعا ەركٸندٸگٸ شەكتەلگەن. كەيٸن جالپى جازا بەس جىل بوپ ٶزگەرتٸلگەن.
2020 جىلدىڭ ناۋرىز ايىندا تاشكەنت قالالىق سوتى وعان "قىلمىستىق توپ قۇردى, كٶلەڭكەلٸ اقشانى زاڭداستىردى, بوپسالادى" دەگەن قوسىمشا ايىپتار تاعىپ, 13 جىل, 4 اي مەرزٸمگە باس بوستاندىعىنان ايىردى. گٷلنارا كاريموۆا 2019 جىلدىڭ كٶكتەمٸنەن باستاپ جازاسىن تاشكەنت وبلىسى زەڭگٸ اتا اۋدانىنداعى №21 ەيەلدەر اباقتىسىندا ٶتەپ جاتىر.
ٶزبەكستاندا گٷلنارا كاريموۆاعا قارسى قىلمىستىق ٸس اقش پەن ەۋروپانىڭ بٸرقاتار ەلدەرٸندە كوررۋپتسيياعا قاتىستى ٸرٸ كومپانييا جەتەكشٸلەرٸنە قارسى تەرگەۋ باستالعاننان كەيٸن قوزعالعان. تەرگەۋ مەلٸمەتٸنشە, كاريموۆا متس, "ۆىمپەلكوم", ING جەنە Telia Soner سەكٸلدٸ ٸرٸ شەتەلدٸك كومپانييالاردى ٶزبەكستان نارىعىنا كٸرگٸزۋ ٷشٸن كومپانييا جەتەكشٸلەرٸنەن 1 ملرد دوللار كٶلەمٸندە پارا العان.
