Reseige salynyp jatqan sanktsiialardyń saldarynan qazaqstandyq qurylys salasynda 30 myńnan astam adam jumysynan aiyrylýy múmkin. Bul týraly Qazaqstan qurylysshylar odaǵynyń tóraǵasy Talǵat Erǵaliev málim etti, dep habarlaidy QazAqparat.
«Bizdiń odaq elimiz boiynsha 1200-den astam qurylys salasy uiymdarynyń basyn biriktirip otyr. Búginde Reseige salynyp jatqan sanktsiialarǵa bailanysty otandyq qurylys salasy aitarlyqtai qiyndyqqa tap bolýda. Qurylys materialdary qymbattaýynyń ekinshi tolqyny bastaldy», - dedi Talǵat Erǵaliev «Atameken» UKP-da onlain ótken baspasóz máslihatynda.
Onyń aitýynsha, elimizge qurylys materialdaryn jetkizýde de problema bar.
«Memlekettik satyp alý boiynsha smetalyq jobada kórsetilgen baǵa men qazirgi naryqtaǵy baǵanyń arasy jer men kóktei. Odan bólek, kórshi eldegi sanktsiialardyń saldarynan 30 myńnan astam qurylysshy jumyssyz qalmaq. Sonymen qatar 600-den astam qurylys nysany qarjysyz qaldy. Osy oraida shuǵyl túrde aldyn alý sharasyn qabyldaý qajet», - deidi ol.
