رەسەيگە سالىنىپ جاتقان سانكتسييالاردىڭ سالدارىنان قازاقستاندىق قۇرىلىس سالاسىندا 30 مىڭنان استام ادام جۇمىسىنان ايىرىلۋى مٷمكٸن. بۇل تۋرالى قازاقستان قۇرىلىسشىلار وداعىنىڭ تٶراعاسى تالعات ەرعاليەۆ مەلٸم ەتتٸ, دەپ حابارلايدى قازاقپارات.
«بٸزدٸڭ وداق ەلٸمٸز بويىنشا 1200-دەن استام قۇرىلىس سالاسى ۇيىمدارىنىڭ باسىن بٸرٸكتٸرٸپ وتىر. بٷگٸندە رەسەيگە سالىنىپ جاتقان سانكتسييالارعا بايلانىستى وتاندىق قۇرىلىس سالاسى ايتارلىقتاي قيىندىققا تاپ بولۋدا. قۇرىلىس ماتەريالدارى قىمباتتاۋىنىڭ ەكٸنشٸ تولقىنى باستالدى», - دەدٸ تالعات ەرعاليەۆ «اتامەكەن» ۇكپ-دا ونلاين ٶتكەن باسپاسٶز مەسليحاتىندا.
ونىڭ ايتۋىنشا, ەلٸمٸزگە قۇرىلىس ماتەريالدارىن جەتكٸزۋدە دە پروبلەما بار.
«مەملەكەتتٸك ساتىپ الۋ بويىنشا سمەتالىق جوبادا كٶرسەتٸلگەن باعا مەن قازٸرگٸ نارىقتاعى باعانىڭ اراسى جەر مەن كٶكتەي. ودان بٶلەك, كٶرشٸ ەلدەگٸ سانكتسييالاردىڭ سالدارىنان 30 مىڭنان استام قۇرىلىسشى جۇمىسسىز قالماق. سونىمەن قاتار 600-دەن استام قۇرىلىس نىسانى قارجىسىز قالدى. وسى ورايدا شۇعىل تٷردە الدىن الۋ شاراسىن قابىلداۋ قاجەت», - دەيدٸ ول.
