QR Ishki ministrligi ókilderi Armeniiadan jetkizilgen kólikterdi tirkeýge qatysty túsinik berdi, dep habarlaidy "Ult aqparat".
Ortalyq kommýnikatsiialar qyzmetindegi baspasóz máslihatynda «ne sebepti tek Armaniiadan ákelingen kólikter tirkelýi qajet? Bul talap Resei, Belarýs, Qyrǵyzstan sekildi elderden jetkizilgen kólikterge nege qoiylmaidy?» degen suraq qoiyldy.
Óz kezeginde QR Ishki ister ministriniń keńesshisi Nurdildá Oraz Armeniiadan jetkizilgen kólikterdi tirkeý naýqany qarapaiym azamattardyń múddesine sai kelip turǵanyn atap ótti.
«Armeniiadan kelgen kólikterdiń barlyǵy Qazaqstan azamattaryna tirkelgen. Al Qyrǵyzstan nemese Reseiden kelip jatqan kólikter sol elderdiń azamattaryna tirkelgen. Iaǵni, osy jerde aiyrmashylyq bar», - dedi N. Oraz.
Sonymen qatar ol róli oń jaqta ornalasqan kólikterdi Qazaqstanda tirkeýge tyiym salynǵanyn eske saldy.
«Armeniialyq áriptesterden tiisti aqparat kelip tústi. Qazaqstan azamattaryna tirkelgen Armeniia kólikteri 22 myńǵa jetken. Biraq tirkeýge jatatyn kólik sany 14 myń boldy. Qazirgi kezde sonyń 11 myńǵa jýyǵy tirkeldi. Qalǵan 10 kún ishinde barlyǵy tirkeýden ótedi degen senimdemiz», - dedi ministrdiń keńesshisi.
