قر ٸشكٸ مينيسترلٸگٸ ٶكٸلدەرٸ ارمەنييادان جەتكٸزٸلگەن كٶلٸكتەردٸ تٸركەۋگە قاتىستى تٷسٸنٸك بەردٸ, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا «نە سەبەپتٸ تەك ارمانييادان ەكەلٸنگەن كٶلٸكتەر تٸركەلۋٸ قاجەت? بۇل تالاپ رەسەي, بەلارۋس, قىرعىزستان سەكٸلدٸ ەلدەردەن جەتكٸزٸلگەن كٶلٸكتەرگە نەگە قويىلمايدى?» دەگەن سۇراق قويىلدى.
ٶز كەزەگٸندە قر ٸشكٸ ٸستەر مينيسترٸنٸڭ كەڭەسشٸسٸ نۇردٸلدە وراز ارمەنييادان جەتكٸزٸلگەن كٶلٸكتەردٸ تٸركەۋ ناۋقانى قاراپايىم ازاماتتاردىڭ مٷددەسٸنە ساي كەلٸپ تۇرعانىن اتاپ ٶتتٸ.
«ارمەنييادان كەلگەن كٶلٸكتەردٸڭ بارلىعى قازاقستان ازاماتتارىنا تٸركەلگەن. ال قىرعىزستان نەمەسە رەسەيدەن كەلٸپ جاتقان كٶلٸكتەر سول ەلدەردٸڭ ازاماتتارىنا تٸركەلگەن. ياعني, وسى جەردە ايىرماشىلىق بار», - دەدٸ ن. وراز.
سونىمەن قاتار ول رٶلٸ وڭ جاقتا ورنالاسقان كٶلٸكتەردٸ قازاقستاندا تٸركەۋگە تىيىم سالىنعانىن ەسكە سالدى.
«ارمەنييالىق ەرٸپتەستەردەن تيٸستٸ اقپارات كەلٸپ تٷستٸ. قازاقستان ازاماتتارىنا تٸركەلگەن ارمەنييا كٶلٸكتەرٸ 22 مىڭعا جەتكەن. بٸراق تٸركەۋگە جاتاتىن كٶلٸك سانى 14 مىڭ بولدى. قازٸرگٸ كەزدە سونىڭ 11 مىڭعا جۋىعى تٸركەلدٸ. قالعان 10 كٷن ٸشٸندە بارلىعى تٸركەۋدەن ٶتەدٸ دەگەن سەنٸمدەمٸز», - دەدٸ مينيستردٸڭ كەڭەسشٸسٸ.
