Japoniia úkimeti Ulybritaniia SIM-niń Reseidiń arnaiy qyzmetteri kibershabýyldar arqyly pandemiiaǵa bailanysty Tokiodaǵy Olimpiadany 2021 jylǵa aýystyrǵanǵa deiin toqtatýǵa tyrysty degen tujyrymyna túsinikteme bermeidi. Bul týraly seisenbi kúni Tokioda ótken baspasóz máslihatynda ministrler kabinetiniń bas hatshysy Katsýnobý Kato málim etti, dep habarlady "Ult aqparat" TASS agenttigine silteme jasap.
«Biz britandyq taraptyń bul habarlamansy týraly bilemiz. Japon úkimeti tiisti aqparatty jinaýda, biraq biz bul týraly túsinikteme berýden bas tartqymyz keledi», - dedi ol.
Kabinettiń bas hatshysy Tokio tarapy Tokiodaǵy jazǵy Olimpiada oiyndaryn kiber shabýyldardan qorǵaý úshin barlyq sharalardy qoldanady dep sendirdi.
