جاپونييا ٷكٸمەتٸ ۇلىبريتانييا سٸم-نٸڭ رەسەيدٸڭ ارنايى قىزمەتتەرٸ كيبەرشابۋىلدار ارقىلى پاندەميياعا بايلانىستى توكيوداعى وليمپيادانى 2021 جىلعا اۋىستىرعانعا دەيٸن توقتاتۋعا تىرىستى دەگەن تۇجىرىمىنا تٷسٸنٸكتەمە بەرمەيدٸ. بۇل تۋرالى سەيسەنبٸ كٷنٸ توكيودا ٶتكەن باسپاسٶز مەسليحاتىندا مينيسترلەر كابينەتٸنٸڭ باس حاتشىسى كاتسۋنوبۋ كاتو مەلٸم ەتتٸ, دەپ حابارلادى "ۇلت اقپارات" تاسس اگەنتتٸگٸنە سٸلتەمە جاساپ.
«بٸز بريتاندىق تاراپتىڭ بۇل حابارلامانسى تۋرالى بٸلەمٸز. جاپون ٷكٸمەتٸ تيٸستٸ اقپاراتتى جيناۋدا, بٸراق بٸز بۇل تۋرالى تٷسٸنٸكتەمە بەرۋدەن باس تارتقىمىز كەلەدٸ», - دەدٸ ول.
كابينەتتٸڭ باس حاتشىسى توكيو تاراپى توكيوداعى جازعى وليمپيادا ويىندارىن كيبەر شابۋىلداردان قورعاۋ ٷشٸن بارلىق شارالاردى قولدانادى دەپ سەندٸردٸ.
