اكتەر ەربولات ەلقوجا تٷسٸرٸلٸم كەزٸندە جاراقات الىپ, بٸر قۇلاعى ەستٸمەي قالعانىن ايتتى. قازٸر ٶنەر يەسٸ قىرعىزستاندا دەرٸگەرلەردٸڭ كٶمەگٸنە جٷگٸنٸپ, ەم قابىلداپ جاتىر, دەپ حابارلايدى ult.kz.

اكتەر دەنساۋلىعىنا قاتىستى جايسىز حاباردى وقىرماندارىنا ٶزٸ جەتكٸزگەن. ونىڭ ايتۋىنشا, تٷسٸرٸلٸم بارىسىندا العان جاراقاتى وڭ قۇلاعىنا زاقىم كەلتٸرگەن.

«تٷسٸرٸلٸم كەزٸندە جاراقات الدىم. مىنا وڭ جاق قۇلاعىم مٷلدەم ەستٸمەي قالدى. قىرعىزستاننىڭ مەن-مەن دەگەن مىقتى دەرٸگەرلەرٸ ەمدەپ جاتىر. قىرعىز باۋىرلارىمىزعا ٷلكەن العىس», – دەدٸ ەربولات ەلقوجا.

ٶنەر يەسٸ ٶزٸنە ەم جٷرگٸزٸپ جاتقان قىرعىزستاندىق ماماندارعا ريزاشىلىعىن بٸلدٸردٸ. الايدا جاراقاتتى قانداي جاعدايدا العانىن جەنە ەمنٸڭ قانشا ۋاقىتقا سوزىلاتىنىن ناقتىلامادى.

اكتەردٸڭ جاعدايىن ەستٸگەن وقىرماندارى وعان قولداۋ بٸلدٸرٸپ, ەم-دومىنا قارجىلاي كٶمەكتەسۋگە نيەت تانىتقان. ەربولات ەلقوجا جاناشىرلىق تانىتقان جاندارعا العىس ايتىپ, اقشا اۋدارۋدىڭ قاجەتٸ جوق ەكەنٸن جەتكٸزدٸ.

ايتا كەتەيٸك, بەكجان تۇرىستىڭ ۇلى شاڭىراق كٶتەرٸپ, دٷركٸرەتٸپ توي ٶتكٸزدٸ. 

ەربولات ەلقوجا كٸم?

ەربولات ەلقوجا  – قازاقستاندىق كينو جەنە تەلەسەريال اكتەرٸ. ول كٶرەرمەنگە «سەكە», «اۋىلداستار», «اتا-انا, بالا-شاعا», «كانيكۋلى offline» جوبالارىنداعى رٶلدەرٸ ارقىلى تانىس. ٶنەر يەسٸ سۇحباتتارىندا اكتەرلٸك جولى مەن تٷسٸرٸلٸمدەگٸ تەجٸريبەسٸ تۋرالى بٶلٸسكەن.

اكتەردٸڭ ەلەۋلٸ جۇمىستارىنىڭ بٸرٸ — «باقىت» فيلمٸندەگٸ باستى رٶلدەردٸڭ بٸرٸ. تۇرمىستىق زورلىق-زومبىلىق تاقىرىبىن قوزعايتىن تۋىندىدا ول جاعىمسىز كەيٸپكەردٸ سومداعان.

ەربولاتتىڭ ايتۋىنشا, كەي كٶرەرمەن ونى وسى وبرازىمەن ەستە ساقتاپ قالعان. الايدا كٶرەرمەندەر اراسىندا كەيٸپكەرٸنٸڭ ەرەكەتٸنەن بٶلەك, اكتەرلٸك شەبەرلٸگٸن باعالاپ, العىس ايتقاندار دا بولعان.