4 qazanda Resei parlamentiniń joǵarǵy palatasy – Federatsiia keńesi "LHR, DHR, Zaporoje jáne Herson oblystarynyń Resei quramyna qosylatyny týraly" kelisimdi bekitti. Ýkraina jerin annneksiialaýdy Federatsiia keńesi tolyq qoldaǵan, dep habarlaidy Azattyq.
Anneksiialaý týraly kelisimdi keshe Resei memlekettik dýmasy maquldaǵan. Endi oǵan Resei prezidenti Vladimir Pýtin qol qoiýǵa tiis. Sol sátten bastap Resei atalǵan oblystardy óz jeri dep sanaityn bolady. Anneksiialanǵan oblystar úshin 2026 jyldyń 1 qańtaryna deiingi aralyqta "ótpeli kezeń" jariialanady. 2023 jyldyń 10 qyrkúieginde jergilikti zań shyǵarý organdaryna sailaý ótedi.
Kelisim boiynsha, Donetsk pen Lýgansk oblystary Resei quramyna "Donetsk" jáne "Lýgansk" halyq respýblikalary degen ataýmen, 2014 jylǵy shekarasymen qosylady. Herson jáne Zaporoje oblystarynyń shekaralary qujatta kórsetilmegen. Nikolaev oblysynyń anneksiialanǵan bóligi Herson oblysyna qosylǵan.
Kelisim boiynsha, Resei pasportyn alǵysy kelmeitinin bir ai ishinde málimdemese, anneksiialanǵan aimaqtaǵy ýkraindar Resei azamaty bolyp sanalady.
Kiev pen Batys elderi Resei anneksiiasyn eshbir jaǵdaida moiyndamaitynyn málimdegen. Ýkraina óz jerin azat etýdi jalǵastyryp jatyr.
Resei atalǵan óńirlerdi anneksiialaý maqsatynda "referendým" ótkizgen. Mundai referendýmdy Reseiden basqa eshbir el moiyndamaǵan.
