4 قازاندا رەسەي پارلامەنتٸنٸڭ جوعارعى پالاتاسى – فەدەراتسييا كەڭەسٸ "لحر, دحر, زاپوروجە جەنە حەرسون وبلىستارىنىڭ رەسەي قۇرامىنا قوسىلاتىنى تۋرالى" كەلٸسٸمدٸ بەكٸتتٸ. ۋكراينا جەرٸن انننەكسييالاۋدى فەدەراتسييا كەڭەسٸ تولىق قولداعان, دەپ حابارلايدى ازاتتىق.
اننەكسييالاۋ تۋرالى كەلٸسٸمدٸ كەشە رەسەي مەملەكەتتٸك دۋماسى ماقۇلداعان. ەندٸ وعان رەسەي پرەزيدەنتٸ ۆلاديمير پۋتين قول قويۋعا تيٸس. سول سەتتەن باستاپ رەسەي اتالعان وبلىستاردى ٶز جەرٸ دەپ سانايتىن بولادى. اننەكسييالانعان وبلىستار ٷشٸن 2026 جىلدىڭ 1 قاڭتارىنا دەيٸنگٸ ارالىقتا "ٶتپەلٸ كەزەڭ" جارييالانادى. 2023 جىلدىڭ 10 قىركٷيەگٸندە جەرگٸلٸكتٸ زاڭ شىعارۋ ورگاندارىنا سايلاۋ ٶتەدٸ.
كەلٸسٸم بويىنشا, دونەتسك پەن لۋگانسك وبلىستارى رەسەي قۇرامىنا "دونەتسك" جەنە "لۋگانسك" حالىق رەسپۋبليكالارى دەگەن اتاۋمەن, 2014 جىلعى شەكاراسىمەن قوسىلادى. حەرسون جەنە زاپوروجە وبلىستارىنىڭ شەكارالارى قۇجاتتا كٶرسەتٸلمەگەن. نيكولاەۆ وبلىسىنىڭ اننەكسييالانعان بٶلٸگٸ حەرسون وبلىسىنا قوسىلعان.
كەلٸسٸم بويىنشا, رەسەي پاسپورتىن العىسى كەلمەيتٸنٸن بٸر اي ٸشٸندە مەلٸمدەمەسە, اننەكسييالانعان ايماقتاعى ۋكرايندار رەسەي ازاماتى بولىپ سانالادى.
كيەۆ پەن باتىس ەلدەرٸ رەسەي اننەكسيياسىن ەشبٸر جاعدايدا مويىندامايتىنىن مەلٸمدەگەن. ۋكراينا ٶز جەرٸن ازات ەتۋدٸ جالعاستىرىپ جاتىر.
رەسەي اتالعان ٶڭٸرلەردٸ اننەكسييالاۋ ماقساتىندا "رەفەرەندۋم" ٶتكٸزگەن. مۇنداي رەفەرەندۋمدى رەسەيدەن باسقا ەشبٸر ەل مويىنداماعان.
