Siriianyń Jerorta teńizi jaǵalaýynda turǵan Reseidiń "Admiral Kýznetsov" aviatasymaldaǵyshy. 4 qańtar 2017 jyl.
Reseidiń "Admiral Kýznetsov" aviakreiseri men ol basqaratyn áskeri kemeler Siriiadaǵy áskeri operatsiia júrgizip jatqan aimaqtan ketedi, - dep habarlady TASS agenttigine silteme jasaǵan Azattyqtyń Orys redaktsiiasy.
Resei qarýly kúshteri bas shtabynyń bastyǵy Valerii Gerasimovtyń túsindirgeni boiynsha, qorǵanys ministrligi Siriiadaǵy Resei áskerileri men áskeri tehnikalarynyń sanyn azaitýǵa kirisken. Áskeri is-qimyldar aimaǵynan alǵash bolyp aviatasymaldaǵysh top shyǵarylady. Gerasimov ásker men áskeri tehnikany shyǵarýdyń qashan aiaqtalatynyn aitpady.
Birer kún buryn reseilik aqparat quraldarynda Reseidiń jalǵyz "Admiral Kýznetsov" aviatasyǵyshy men "Petr Velikii" atom kreiseri qańtarda Jerorta teńizindegi saparyn aiaqtaitynyn habarlaǵan edi.
Jerorta teńizindegi "Admiral Kýznetsov" avia tasyǵyshy reseilik ózge áskeri kemelermen birge 15 qarashadan bastap Siriia territoriiasyna shabýyl jasaǵan. Osy ýaqyt ishinde aviatasyǵyshqa qonatyn tusta operatsiiaǵa qatysqan eki joiǵysh ushaq apatqa ushyrady. Apattan eshkim qaza tapqan joq.
Kreml "Admiral Kýznetsovtiń" áskeri is-qimyldarǵa "tabysty túrde" qatysqanyn aitady.
