سيرييانىڭ جەرورتا تەڭٸزٸ جاعالاۋىندا تۇرعان رەسەيدٸڭ "ادميرال كۋزنەتسوۆ" اۆياتاسىمالداعىشى. 4 قاڭتار 2017 جىل.
رەسەيدٸڭ "ادميرال كۋزنەتسوۆ" اۆياكرەيسەرٸ مەن ول باسقاراتىن ەسكەري كەمەلەر سيريياداعى ەسكەري وپەراتسييا جٷرگٸزٸپ جاتقان ايماقتان كەتەدٸ, - دەپ حابارلادى تاسس اگەنتتٸگٸنە سٸلتەمە جاساعان ازاتتىقتىڭ ورىس رەداكتسيياسى.
رەسەي قارۋلى كٷشتەرٸ باس شتابىنىڭ باستىعى ۆالەريي گەراسيموۆتىڭ تٷسٸندٸرگەنٸ بويىنشا, قورعانىس مينيسترلٸگٸ سيريياداعى رەسەي ەسكەريلەرٸ مەن ەسكەري تەحنيكالارىنىڭ سانىن ازايتۋعا كٸرٸسكەن. ەسكەري ٸس-قيمىلدار ايماعىنان العاش بولىپ اۆياتاسىمالداعىش توپ شىعارىلادى. گەراسيموۆ ەسكەر مەن ەسكەري تەحنيكانى شىعارۋدىڭ قاشان اياقتالاتىنىن ايتپادى.
بٸرەر كٷن بۇرىن رەسەيلٸك اقپارات قۇرالدارىندا رەسەيدٸڭ جالعىز "ادميرال كۋزنەتسوۆ" اۆياتاسىعىشى مەن "پەتر ۆەليكيي" اتوم كرەيسەرٸ قاڭتاردا جەرورتا تەڭٸزٸندەگٸ ساپارىن اياقتايتىنىن حابارلاعان ەدٸ.
جەرورتا تەڭٸزٸندەگٸ "ادميرال كۋزنەتسوۆ" اۆيا تاسىعىشى رەسەيلٸك ٶزگە ەسكەري كەمەلەرمەن بٸرگە 15 قاراشادان باستاپ سيرييا تەرريتوريياسىنا شابۋىل جاساعان. وسى ۋاقىت ٸشٸندە اۆياتاسىعىشقا قوناتىن تۇستا وپەراتسيياعا قاتىسقان ەكٸ جويعىش ۇشاق اپاتقا ۇشىرادى. اپاتتان ەشكٸم قازا تاپقان جوق.
كرەمل "ادميرال كۋزنەتسوۆتٸڭ" ەسكەري ٸس-قيمىلدارعا "تابىستى تٷردە" قاتىسقانىن ايتادى.
