Foto: Parlam.kz
Májilis depýtaty, Ekonomikalyq reforma jáne óńirlik damý komitetiniń múshesi Temir Qyryqbaev Qasym-Jomart Toqaev prezident bolǵaly el saiasatyna kóptegen ózgerister ákelgenin aitty, dep habarlaidy Ult.kz.
Depýtat qandai reforma bolsyn, onyń sátti júzege asýy ózimizge tikelei bailanysty ekenin de aitty. Ol óziniń máslihat depýtaty bola júrip, Májiliske sailanǵanyn da elimizdiń saiasi júiesindegi jetistik dep baǵalaidy.
"Máselen kezinde men máslihat depýtaty bolǵanmyn. Meniń Májiliske depýtat bolyp kelem degen múldem oiymda joq edi. Biraq men Jańa Qazaqstannyń qaǵidalaryna, ornap jatqan ádilettilikke arqa súiep, senip artyp sailaýda baǵymdy synap kórdim. Mine, osylaisha ózim halyqtyń arasynan Túrkistan oblysynan sailaýǵa túsip, jeńip shyqtym. Bul – saiasi reforma retinde erekshe aitylatyn birinshi jetistik", – deidi Qyryqbaev.
Sondai-aq ol Toqaev bilikke kelgeli elimiz qol jetkizgen kelesi jetistik retinde shetel asqan zańsyz aktivterdiń elge qaitarylǵanyn atady.
"Zańsyz iemdenip, shetel asqan aktivterdi qaitarý boiynsha tabandy jumys júrgizilip, nátijesinde eki trillion teńgege jýyq qarajat elge qaitty. Munyń qyzyǵyn el kórip jatyr, árine. Máselen, «Jaily mektep» jobasy aiasyndaǵy bilim uialarynyń, túrli áleýmettik, meditsinalyq nysandardyń qurylysy osy igi jumystyń arqasynda jandana tústi", – dep sózin jalǵady Májilis depýtaty.
Odan bólek, bastaýysh synyptardyń oqýshylaryn tegin ystyq tamaqpen qamtý isi de osy kúnge deiin ózekti bolyp kelgenine toqtalǵan májilismen muǵalimderdiń jalaqysy da edáýir óskenin atap ótti.
"Osydan alty jyl buryn muǵalimderdiń jalaqysy úsh ese, tórt ese kóteriledi dese senbeitin edik. Qazir Ádiletti Qazaqstan ideiasynyń múmkindikteriniń arqasynda halyqtyń barlyq muqtajdyqtaryn tikelei aita alamyz. Parlamentte kóptegen zań jobasyna bastamashy bolyp júrmiz. Sol siiaqty mumdai múmkindik bizdi biraz jetistikke jetelep kele jatyr", – dedi T.Qyryqbaev.
Sonymen qatar ol kúni keshe Kókshe tórinde ótken Ulttyq quryltaidyń tórtinshi otyrysynda da, Prezident san salanyń máselesin kóterip, áleýmettik-ekonomikalyq damýymyzdyń naqty baǵyttaryn aiqyndap bergenine toqtaldy.
Eske sala ketsek, búgin Májilistiń jalpy otyrysynda Memleket basshysynyń el tizginin qolyna alǵan sátten bergi júzege asyryp kele jatqan saiasi reformalary týraly, iaǵni Prezidenti Q.Toqaevtyń saiasi reformalaryn iske asyrý – memlekettik qurylystyń jańa tarihi kezeńi týraly Májilis Tóraǵasy Erlan Qoshanov baiandama jasap, artynsha depýtattar talqyǵa saldy.
Palata spikeri óz baiandamasynda osydan týra úsh jyl buryn, dál osy zalda Memleket basshysy Qasym-Jomart Toqaev halyqqa tarihi Joldaýyn jariialaǵanyn atap ótip, ol ýaqyt álem úshin de, elimiz úshin de almaǵaiyp ta kúrdeli synaqtardyń kezeńi bolǵanyn eske saldy.
