فوتو: Parlam.kz
مەجٸلٸس دەپۋتاتى, ەكونوميكالىق رەفورما جەنە ٶڭٸرلٸك دامۋ كوميتەتٸنٸڭ مٷشەسٸ تەمٸر قىرىقباەۆ قاسىم-جومارت توقاەۆ پرەزيدەنت بولعالى ەل ساياساتىنا كٶپتەگەن ٶزگەرٸستەر ەكەلگەنٸن ايتتى, دەپ حابارلايدى Ult.kz.
دەپۋتات قانداي رەفورما بولسىن, ونىڭ سەتتٸ جٷزەگە اسۋى ٶزٸمٸزگە تٸكەلەي بايلانىستى ەكەنٸن دە ايتتى. ول ٶزٸنٸڭ مەسليحات دەپۋتاتى بولا جٷرٸپ, مەجٸلٸسكە سايلانعانىن دا ەلٸمٸزدٸڭ ساياسي جٷيەسٸندەگٸ جەتٸستٸك دەپ باعالايدى.
"مەسەلەن كەزٸندە مەن مەسليحات دەپۋتاتى بولعانمىن. مەنٸڭ مەجٸلٸسكە دەپۋتات بولىپ كەلەم دەگەن مٷلدەم ويىمدا جوق ەدٸ. بٸراق مەن جاڭا قازاقستاننىڭ قاعيدالارىنا, ورناپ جاتقان ەدٸلەتتٸلٸككە ارقا سٷيەپ, سەنٸپ ارتىپ سايلاۋدا باعىمدى سىناپ كٶردٸم. مٸنە, وسىلايشا ٶزٸم حالىقتىڭ اراسىنان تٷركٸستان وبلىسىنان سايلاۋعا تٷسٸپ, جەڭٸپ شىقتىم. بۇل – ساياسي رەفورما رەتٸندە ەرەكشە ايتىلاتىن بٸرٸنشٸ جەتٸستٸك", – دەيدٸ قىرىقباەۆ.
سونداي-اق ول توقاەۆ بيلٸككە كەلگەلٸ ەلٸمٸز قول جەتكٸزگەن كەلەسٸ جەتٸستٸك رەتٸندە شەتەل اسقان زاڭسىز اكتيۆتەردٸڭ ەلگە قايتارىلعانىن اتادى.
"زاڭسىز يەمدەنٸپ, شەتەل اسقان اكتيۆتەردٸ قايتارۋ بويىنشا تاباندى جۇمىس جٷرگٸزٸلٸپ, نەتيجەسٸندە ەكٸ تريلليون تەڭگەگە جۋىق قاراجات ەلگە قايتتى. مۇنىڭ قىزىعىن ەل كٶرٸپ جاتىر, ەرينە. مەسەلەن, «جايلى مەكتەپ» جوباسى اياسىنداعى بٸلٸم ۇيالارىنىڭ, تٷرلٸ ەلەۋمەتتٸك, مەديتسينالىق نىسانداردىڭ قۇرىلىسى وسى يگٸ جۇمىستىڭ ارقاسىندا جاندانا تٷستٸ", – دەپ سٶزٸن جالعادى مەجٸلٸس دەپۋتاتى.
ودان بٶلەك, باستاۋىش سىنىپتاردىڭ وقۋشىلارىن تەگٸن ىستىق تاماقپەن قامتۋ ٸسٸ دە وسى كٷنگە دەيٸن ٶزەكتٸ بولىپ كەلگەنٸنە توقتالعان مەجٸلٸسمەن مۇعالٸمدەردٸڭ جالاقىسى دا ەدەۋٸر ٶسكەنٸن اتاپ ٶتتٸ.
"وسىدان التى جىل بۇرىن مۇعالٸمدەردٸڭ جالاقىسى ٷش ەسە, تٶرت ەسە كٶتەرٸلەدٸ دەسە سەنبەيتٸن ەدٸك. قازٸر ەدٸلەتتٸ قازاقستان يدەياسىنىڭ مٷمكٸندٸكتەرٸنٸڭ ارقاسىندا حالىقتىڭ بارلىق مۇقتاجدىقتارىن تٸكەلەي ايتا الامىز. پارلامەنتتە كٶپتەگەن زاڭ جوباسىنا باستاماشى بولىپ جٷرمٸز. سول سيياقتى مۇمداي مٷمكٸندٸك بٸزدٸ بٸراز جەتٸستٸككە جەتەلەپ كەلە جاتىر", – دەدٸ ت.قىرىقباەۆ.
سونىمەن قاتار ول كٷنٸ كەشە كٶكشە تٶرٸندە ٶتكەن ۇلتتىق قۇرىلتايدىڭ تٶرتٸنشٸ وتىرىسىندا دا, پرەزيدەنت سان سالانىڭ مەسەلەسٸن كٶتەرٸپ, ەلەۋمەتتٸك-ەكونوميكالىق دامۋىمىزدىڭ ناقتى باعىتتارىن ايقىنداپ بەرگەنٸنە توقتالدى.
ەسكە سالا كەتسەك, بٷگٸن مەجٸلٸستٸڭ جالپى وتىرىسىندا مەملەكەت باسشىسىنىڭ ەل تٸزگٸنٸن قولىنا العان سەتتەن بەرگٸ جٷزەگە اسىرىپ كەلە جاتقان ساياسي رەفورمالارى تۋرالى, ياعني پرەزيدەنتٸ ق.توقاەۆتىڭ ساياسي رەفورمالارىن ٸسكە اسىرۋ – مەملەكەتتٸك قۇرىلىستىڭ جاڭا تاريحي كەزەڭٸ تۋرالى مەجٸلٸس تٶراعاسى ەرلان قوشانوۆ بايانداما جاساپ, ارتىنشا دەپۋتاتتار تالقىعا سالدى.
پالاتا سپيكەرٸ ٶز بايانداماسىندا وسىدان تۋرا ٷش جىل بۇرىن, دەل وسى زالدا مەملەكەت باسشىسى قاسىم-جومارت توقاەۆ حالىققا تاريحي جولداۋىن جارييالاعانىن اتاپ ٶتٸپ, ول ۋاقىت ەلەم ٷشٸن دە, ەلٸمٸز ٷشٸن دە الماعايىپ تا كٷردەلٸ سىناقتاردىڭ كەزەڭٸ بولعانىن ەسكە سالدى.
