"Atameken" Ulttyq kásipkerler palatasynyń kezekten tys IX sezinde tóralqanyń jańa tóraǵasy sailandy. Ol Raiymbek Batalov boldy, - dep habarlaidy Tengrinews.kz tilshisi.
Sezde tóralqa tóraǵasyn sailaý tóńireginde daý týdy. UKP-nyń birqatar múshesi prezidiým quramyn ǵana emes, zańnyń keibir normalaryn da ózgertý qajet ekenin aitty.
Uzaqqa sozylǵan daýlardan keiin tóraǵa mindetin atqarýshy Raiymbek Batalov biraz ýaqytqa tóraǵany sailap, ulttyq palatany reformalaýdan keiin osy máseleni qaita qarap, jańa tóralqa sailaýdy usyndy.
"Kóp nárseni ózgertý kerek ekeni túsinikti. Spikerler aitqandai, bul birneshe aiǵa sozylady. Oǵan kelisemin. Biz qazir sailaityn prezidiým jáne jańa palatada jańa jarǵy, jańa zańmen sailanatyn tóralqa - bul basqa palata, ózara qarym-qatynas júiesi bolady. Múmkin ol basqasha atalýy múmkin", - dedi Batalov daýys berý aldynda.
Bastamashy top Batalovtyń kandidatýrasyn usyndy. Tóralqa qoldady.
Palata músheleriniń daýys berýi nátijesinde Batalov "Atameken" UKP prezidiýmynyń tóraǵasy bolyp sailandy. Onyń kandidatýrasyna 248 adam daýys bergen.
Buǵan deiin Raiymbek Batalov palatanyń kezekten tys IX sezi barysynda "Atameken" Ulttyq kásipkerler palatasy prezidiýmy tóraǵasynyń mindetin atqarýshy bolyp sailanǵan bolatyn.
