"اتامەكەن" ۇلتتىق كەسٸپكەرلەر پالاتاسىنىڭ كەزەكتەن تىس IX سەزٸندە تٶرالقانىڭ جاڭا تٶراعاسى سايلاندى. ول رايىمبەك باتالوۆ بولدى, - دەپ حابارلايدى Tengrinews.kz تٸلشٸسٸ.
سەزدە تٶرالقا تٶراعاسىن سايلاۋ تٶڭٸرەگٸندە داۋ تۋدى. ۇكپ-نىڭ بٸرقاتار مٷشەسٸ پرەزيديۋم قۇرامىن عانا ەمەس, زاڭنىڭ كەيبٸر نورمالارىن دا ٶزگەرتۋ قاجەت ەكەنٸن ايتتى.
ۇزاققا سوزىلعان داۋلاردان كەيٸن تٶراعا مٸندەتٸن اتقارۋشى رايىمبەك باتالوۆ بٸراز ۋاقىتقا تٶراعانى سايلاپ, ۇلتتىق پالاتانى رەفورمالاۋدان كەيٸن وسى مەسەلەنٸ قايتا قاراپ, جاڭا تٶرالقا سايلاۋدى ۇسىندى.
"كٶپ نەرسەنٸ ٶزگەرتۋ كەرەك ەكەنٸ تٷسٸنٸكتٸ. سپيكەرلەر ايتقانداي, بۇل بٸرنەشە ايعا سوزىلادى. وعان كەلٸسەمٸن. بٸز قازٸر سايلايتىن پرەزيديۋم جەنە جاڭا پالاتادا جاڭا جارعى, جاڭا زاڭمەن سايلاناتىن تٶرالقا - بۇل باسقا پالاتا, ٶزارا قارىم-قاتىناس جٷيەسٸ بولادى. مٷمكٸن ول باسقاشا اتالۋى مٷمكٸن", - دەدٸ باتالوۆ داۋىس بەرۋ الدىندا.
باستاماشى توپ باتالوۆتىڭ كانديداتۋراسىن ۇسىندى. تٶرالقا قولدادى.
پالاتا مٷشەلەرٸنٸڭ داۋىس بەرۋٸ نەتيجەسٸندە باتالوۆ "اتامەكەن" ۇكپ پرەزيديۋمىنىڭ تٶراعاسى بولىپ سايلاندى. ونىڭ كانديداتۋراسىنا 248 ادام داۋىس بەرگەن.
بۇعان دەيٸن رايىمبەك باتالوۆ پالاتانىڭ كەزەكتەن تىس IX سەزٸ بارىسىندا "اتامەكەن" ۇلتتىق كەسٸپكەرلەر پالاتاسى پرەزيديۋمى تٶراعاسىنىڭ مٸندەتٸن اتقارۋشى بولىپ سايلانعان بولاتىن.
