Qyzylorda oblysynda ýchaskelik politsiia inspektorynyń ólimine qatysy bar degen kúdikpen 39 jastaǵy er adam qamaýǵa alyndy, dep habarlaidy ult.kz.
Politsiia qyzmetkeriniń denesi 1 qyrkúiekte tabylǵan. Onyń denesinen zorlyq-zombylyq belgileri anyqtalǵan. Oqiǵa kezinde inspektor eńbek demalysynda bolǵan.
Aldyn ala málimet boiynsha, eki er adamnyń arasynda janjal týyndaǵan. Kikiljiń sońy tóbeleske ulasyp, politsei aýyr jaraqat alǵan. Ol jedel járdem kelgenge deiin kóz jumǵan.
Kúdikke ilingen er adam Aral aýdanynyń turǵyny ekeni anyqtaldy. Ol ustalyp, ýaqytsha ustaý izoliatoryna qamalǵan. Keiin sot sanktsiiasymen qamaýǵa alynǵan.
Qylmystyq istiń tergelý barysyn Qyzylorda oblysy politsiia departamentiniń basshylyǵy baqylaýǵa aldy.
Qazirgi tańda oqiǵanyń ózge de mán-jailary anyqtalyp jatyr.
