Memleket basshysy Qasym-Jomart Toqaev Premer-ministrdiń orynbasary Qanat Bozymbaevty qabyldap, Alataý qalasyn damytý, sý resýrstary jáne kommýnaldyq infraqurylymdy jańǵyrtý máselelerin talqylady, dep habarlaidy ult.kz.
Kezdesý barysynda Qanat Bozymbaev Prezidentke Qytai Halyq Respýblikasynda ótken Alatau City Roadshow halyqaralyq tanystyrylymynyń qorytyndylary týraly baiandady. Onyń aitýynsha, is-shara aiasynda 20 túrli kezdesý men kelissóz ótkizilip, jalpy quny 6,4 milliard dollardy quraityn 30 kelisim men memorandýmǵa qol qoiylǵan.
Sapar barysynda Alataý qalasynyń investitsiialyq áleýeti Shenchjen qalasynyń meri Tsin Veichjýnǵa, Gonkong arnaiy ákimshilik aýdanynyń basshysy Djon Lige jáne birqatar halyqaralyq kompaniia jetekshilerine tanystyrylǵan.
Sondai-aq vitse-premer Prezidenttiń Almaty oblysyna jýyrdaǵy sapary kezinde bergen tapsyrmalary negizinde ázirlengen jumys jospary jóninde esep berdi. Budan bólek, gidrotehnikalyq qurylystardy jańǵyrtý, jańa sý qoimalary men kanaldar salý siiaqty sý resýrstary salasyndaǵy jobalardyń iske asyrylý barysy qaraldy.
Kezdesýde «Energetikalyq jáne kommýnaldyq sektorlardy jańǵyrtý» ulttyq jobasynyń oryndalýy da talqylandy. Biyl turǵyn úi-kommýnaldyq sharýashylyq infraqurylymyn jańartýǵa 1,1 trillion teńgeden astam qarjy bólinbek. Aqordanyń málimetinshe, bul – táýelsizdik jyldaryndaǵy salaǵa baǵyttalǵan eń iri qarjylandyrý.
Josparǵa sáikes, atalǵan qarajattyń kómegimen aldaǵy úsh jyl ishinde kommýnaldyq jelilerdiń tozý deńgeiin 40 paiyzǵa deiin tómendetý kózdelip otyr.
Qasym-Jomart Toqaev energetikalyq jáne kommýnaldyq infraqurylymdy jańǵyrtý jobalaryna otandyq óndirýshilerdi keńinen tartýdyń mańyzyn atap ótti. Sonymen qatar Úkimetke ońtústik óńirlerdegi vegetatsiialyq kezeńdi erekshe baqylaýda ustaýdy tapsyrdy.
Prezident Alataý qalasyn damytýǵa arnalǵan turaqty model qalyptastyrýdyń, sheteldik investitsiia tartýdyń jáne innovatsiialardy engizýge qolaily jaǵdai jasaýdyń mańyzdy ekenin aityp, Úkimetke qala infraqurylymyn damytý úshin qajetti qarjylandyrýdy qamtamasyz etýdi júktedi.
