مەملەكەت باسشىسى قاسىم-جومارت توقاەۆ پرەمەر-مينيستردٸڭ ورىنباسارى قانات بوزىمباەۆتى قابىلداپ, الاتاۋ قالاسىن دامىتۋ, سۋ رەسۋرستارى جەنە كوممۋنالدىق ينفراقۇرىلىمدى جاڭعىرتۋ مەسەلەلەرٸن تالقىلادى, دەپ حابارلايدى ult.kz.
كەزدەسۋ بارىسىندا قانات بوزىمباەۆ پرەزيدەنتكە قىتاي حالىق رەسپۋبليكاسىندا ٶتكەن Alatau City Roadshow حالىقارالىق تانىستىرىلىمىنىڭ قورىتىندىلارى تۋرالى باياندادى. ونىڭ ايتۋىنشا, ٸس-شارا اياسىندا 20 تٷرلٸ كەزدەسۋ مەن كەلٸسسٶز ٶتكٸزٸلٸپ, جالپى قۇنى 6,4 ميلليارد دوللاردى قۇرايتىن 30 كەلٸسٸم مەن مەموراندۋمعا قول قويىلعان.
ساپار بارىسىندا الاتاۋ قالاسىنىڭ ينۆەستيتسييالىق ەلەۋەتٸ شەنچجەن قالاسىنىڭ مەرٸ تسين ۆەيچجۋنعا, گونكونگ ارنايى ەكٸمشٸلٸك اۋدانىنىڭ باسشىسى دجون ليگە جەنە بٸرقاتار حالىقارالىق كومپانييا جەتەكشٸلەرٸنە تانىستىرىلعان.
سونداي-اق ۆيتسە-پرەمەر پرەزيدەنتتٸڭ الماتى وبلىسىنا جۋىرداعى ساپارى كەزٸندە بەرگەن تاپسىرمالارى نەگٸزٸندە ەزٸرلەنگەن جۇمىس جوسپارى جٶنٸندە ەسەپ بەردٸ. بۇدان بٶلەك, گيدروتەحنيكالىق قۇرىلىستاردى جاڭعىرتۋ, جاڭا سۋ قويمالارى مەن كانالدار سالۋ سيياقتى سۋ رەسۋرستارى سالاسىنداعى جوبالاردىڭ ٸسكە اسىرىلۋ بارىسى قارالدى.
كەزدەسۋدە «ەنەرگەتيكالىق جەنە كوممۋنالدىق سەكتورلاردى جاڭعىرتۋ» ۇلتتىق جوباسىنىڭ ورىندالۋى دا تالقىلاندى. بيىل تۇرعىن ٷي-كوممۋنالدىق شارۋاشىلىق ينفراقۇرىلىمىن جاڭارتۋعا 1,1 تريلليون تەڭگەدەن استام قارجى بٶلٸنبەك. اقوردانىڭ مەلٸمەتٸنشە, بۇل – تەۋەلسٸزدٸك جىلدارىنداعى سالاعا باعىتتالعان ەڭ ٸرٸ قارجىلاندىرۋ.
جوسپارعا سەيكەس, اتالعان قاراجاتتىڭ كٶمەگٸمەن الداعى ٷش جىل ٸشٸندە كوممۋنالدىق جەلٸلەردٸڭ توزۋ دەڭگەيٸن 40 پايىزعا دەيٸن تٶمەندەتۋ كٶزدەلٸپ وتىر.
قاسىم-جومارت توقاەۆ ەنەرگەتيكالىق جەنە كوممۋنالدىق ينفراقۇرىلىمدى جاڭعىرتۋ جوبالارىنا وتاندىق ٶندٸرۋشٸلەردٸ كەڭٸنەن تارتۋدىڭ ماڭىزىن اتاپ ٶتتٸ. سونىمەن قاتار ٷكٸمەتكە وڭتٷستٸك ٶڭٸرلەردەگٸ ۆەگەتاتسييالىق كەزەڭدٸ ەرەكشە باقىلاۋدا ۇستاۋدى تاپسىردى.
پرەزيدەنت الاتاۋ قالاسىن دامىتۋعا ارنالعان تۇراقتى مودەل قالىپتاستىرۋدىڭ, شەتەلدٸك ينۆەستيتسييا تارتۋدىڭ جەنە يننوۆاتسييالاردى ەنگٸزۋگە قولايلى جاعداي جاساۋدىڭ ماڭىزدى ەكەنٸن ايتىپ, ٷكٸمەتكە قالا ينفراقۇرىلىمىن دامىتۋ ٷشٸن قاجەتتٸ قارجىلاندىرۋدى قامتاماسىز ەتۋدٸ جٷكتەدٸ.
