Buǵan deiin áleýmettik jelide bloger Pan Vasilmen sóilesken Qyrǵyzstannan kelgen eki stýdenttiń Kenesary han men qazaqtar týraly pikir aitqan videosy taraǵan ed, dep habarlaidy ult.kz.
Strim barysynda qyzdardyń biri Kenesary hannyń bas súiegine qatysty: «Biz odan sharap ishemiz» dep málimdep, muny onyń rýhyn qorlaý úshin jasaitynyn aitqan. Sonymen qatar áńgime kezinde qazaqtar «jaqynda paida boldy» jáne qyrǵyzdardan taraǵan degen pikirler de aitylǵan.
Bul sózder qoǵamda keń rezonans týǵyzdy. Áleýmettik jeli qoldanýshylary qyzdardyń sózin Qazaqstan tarihy men Kenesary hannyń rýhyna qurmetsizdik dep baǵalady.
Daýdan keiin stýdentter qazaqstandyqtardan keshirim surady. Olar aitqandaryna ókinetinin, eshkimdi qorlaýdy nemese arazdyq týdyrýdy maqsat etpegenin aityp, aldaǵy ýaqytta mundai pikirlerge jol bermeitinderin jetkizdi.
Aqparatqa sáikes, qyzdar Bishkekten kelgen jáne Astanada almasý baǵdarlamasy boiynsha bilim alyp júr.
