Qyrǵyzstandaǵy sán aptalyǵyna qonaq retinde barǵan qazaqstandyq bloger Bota Mia (Aqbota Nuraqyn) áleýmettik jelide synnyń astynda qaldy. Buǵan onyń qysqa suhbattaǵy jaýaby sebep boldy, dep habarlaidy ult.kz.
Júrgizýshi blogerden: «Álemdik deńgeige shyǵyp, úlken biikterdi baǵyndyryp júrsiz be?»dep suraǵanda, Bota Mia: «Qyrǵyzstan degen biik pe?» dep jaýap bergen. Bul sóz áleýmettik jelide keń tarap, kóptegen qyrǵyzstandyq qoldanýshy ony kórshi eldi mensinbeý ári qurmetsizdik retinde qabyldady.
Daýdyń órshýinen keiin bloger Instagram Stories arqyly túsinikteme berip, óz sóziniń qate túsinilgenin aitty. Onyń sózinshe, ol júrgizýshiniń suraǵyn buryn bolǵan basqa daýly oqiǵamen bailanystyryp, oiyn durys jetkize almaǵan. Sondai-aq Bota Mia Qyrǵyzstan halqyn qurmetteitinin aityp, eger sózi bireýdiń kóńiline tigen bolsa, keshirim surady.
Aita keteiik, Bota Mia Qyrǵyzstanǵa qyrǵyz dizaineri Arzýbek Amanov uiymdastyrǵan Vonama Cult Show sán kórsetilimine arnaiy shaqyrylǵan qonaq retinde barǵan. Sharada ol dizainer Amira Tashtanbekovanyń kóilegin kiip, podiýmǵa shyqqan.
