قىرعىزستانداعى سەن اپتالىعىنا قوناق رەتٸندە بارعان قازاقستاندىق بلوگەر بوتا ميا (اقبوتا نۇراقىن) ەلەۋمەتتٸك جەلٸدە سىننىڭ استىندا قالدى. بۇعان ونىڭ قىسقا سۇحباتتاعى جاۋابى سەبەپ بولدى, دەپ حابارلايدى ult.kz.
جٷرگٸزۋشٸ بلوگەردەن: «ەلەمدٸك دەڭگەيگە شىعىپ, ٷلكەن بيٸكتەردٸ باعىندىرىپ جٷرسٸز بە?»دەپ سۇراعاندا, بوتا ميا: «قىرعىزستان دەگەن بيٸك پە?» دەپ جاۋاپ بەرگەن. بۇل سٶز ەلەۋمەتتٸك جەلٸدە كەڭ تاراپ, كٶپتەگەن قىرعىزستاندىق قولدانۋشى ونى كٶرشٸ ەلدٸ مەنسٸنبەۋ ەرٸ قۇرمەتسٸزدٸك رەتٸندە قابىلدادى.
داۋدىڭ ٶرشۋٸنەن كەيٸن بلوگەر Instagram Stories ارقىلى تٷسٸنٸكتەمە بەرٸپ, ٶز سٶزٸنٸڭ قاتە تٷسٸنٸلگەنٸن ايتتى. ونىڭ سٶزٸنشە, ول جٷرگٸزۋشٸنٸڭ سۇراعىن بۇرىن بولعان باسقا داۋلى وقيعامەن بايلانىستىرىپ, ويىن دۇرىس جەتكٸزە الماعان. سونداي-اق بوتا ميا قىرعىزستان حالقىن قۇرمەتتەيتٸنٸن ايتىپ, ەگەر سٶزٸ بٸرەۋدٸڭ كٶڭٸلٸنە تيگەن بولسا, كەشٸرٸم سۇرادى.
ايتا كەتەيٸك, بوتا ميا قىرعىزستانعا قىرعىز ديزاينەرٸ ارزۋبەك امانوۆ ۇيىمداستىرعان Vonama Cult Show سەن كٶرسەتٸلٸمٸنە ارنايى شاقىرىلعان قوناق رەتٸندە بارعان. شارادا ول ديزاينەر اميرا تاشتانبەكوۆانىڭ كٶيلەگٸن كيٸپ, پوديۋمعا شىققان.
