Qazaqstan Prezidenti Qasym-Jomart Toqaev Qorǵanys ministrligindegi isterdiń jai-kúiine keshendi tekserý júrgizý jónindegi komissiia qurý týraly ókimge qol qoidy, dep habarlaidy ult.kz.
Komissiianyń negizgi mindeti – Qorǵanys ministrligindegi jaǵdaidy, onyń ishinde áskeri qurylymdardy qarjylyq jáne materialdyq-tehnikalyq qamtamasyz etý salasyn tekserý.
Komissiia quramyna 9 laýazymdy tulǵa kirdi. Ony Qazaqstan Respýblikasy Qaýipsizdik Keńesi Tóraǵasynyń orynbasary Aida Balaeva basqarady. Tóraǵanyń orynbasary bolyp Joǵary aýditorlyq palatanyń tóraǵasy Álihan Smaiylov taǵaiyndaldy.
Komissiia quramynda sondai-aq Prezident Ákimshiligi Basshysynyń orynbasary Erjan Jienbaev, Qarjylyq monitoring agenttiginiń tóraǵasy Janat Elimanov, Qaýipsizdik Keńesi Apparatynyń Basshysy Murat Baimuqashev, Qarjy ministri Mádi Tákiev, Bas Prokýrordyń birinshi orynbasary Jandos Ómiráliev, UQK Tóraǵasynyń birinshi orynbasary Áli Altynbaev jáne Ulttyq ekonomika birinshi vitse-ministri Azamat Ámrin bar.
Komissiia júrgizilgen jumystyń alǵashqy nátijeleri týraly jeti kún ishinde baiandaýy tiis.
Ókim qol qoiylǵan kúninen bastap qoldanysqa engizildi.
