Qorǵanys ministrligi áleýmettik jelilerde merzimdi áskeri qyzmettegi matrostar Ahmetov A.A. men Maǵaýiia Á.A. týraly taraǵan aqparatqa qatysty túsinikteme berdi, dep habarlaidy ult.kz.
Vedomstvonyń málimetinshe, Áskeri-teńiz kúshteri ótkizgen oqý-jattyǵý kezinde jeke quramnyń bir bóligi jaǵalaýda bolyp, tiisti oqý mindetterin oryndaǵan.
Merzimdi áskeri qyzmettegi matrostar Ahmetov A.A. men Maǵaýiia Á.A. da jaǵalaýda oqý mindetterin oryndaǵan áskeri qyzmetshiler tobynyń quramynda bolǵan.
Qazirgi ýaqytta atalǵan áskeri qyzmetshiler áskeri bólimniń ornalasqan jerinde. Olar kún tártibine sáikes áskeri qyzmetin atqaryp júr.
Qorǵanys ministrligi azamattardy tekserilmegen jáne shyndyqqa sáikes kelmeitin aqparatty taratpaýǵa shaqyrdy. Vedomstvo resmi aqparatqa súienýge keńes berdi.
