Jambyl oblysynyń Qordai aýdanynda quny 8,5 million teńgeden asatyn maldy urlady degen kúdikpen bir adam ustaldy, dep habarlaidy ult.kz.
Polisia.kz málimetinshe, Qordai aýdandyq politsiia bólimine jergilikti turǵyn aryzdanǵan. Onyń aitýynsha, jazǵy jaiylymǵa shyǵar aldynda malyn túgendeý kezinde 51 qoi men 27 qozynyń joǵalǵany anyqtalǵan. Keltirilgen materialdyq shyǵyn 8,5 million teńgeden asqan.
Jábirlenýshi joǵalǵan maldy aldymen óz kúshimen izdep kórgenimen, nátije shyqpaǵan soń politsiiadan kómek suraǵan.
Atalǵan derek boiynsha mal urlyǵy faktisimen sotqa deiingi tergep-tekserý bastaldy. Jedel-izdestirý sharalary barysynda kriminaldyq politsiia qyzmetkerleri kúdiktiniń jeke basyn anyqtap, ony ustady.
Politseilerdiń jedel áreketiniń nátijesinde urlanǵan maldyń bir bóligi zańdy iesine qaitaryldy.
Osyǵan bailanysty politsiia mal ielerine qora-jailardyń qaýipsizdigin kúsheitip, janýarlardy mindetti túrde syrǵalap, sáikestendirý quraldaryn paidalanýǵa jáne mal joǵalǵan jaǵdaida ýaqyt ozdyrmai quqyq qorǵaý organdaryna habarlasýǵa keńes beredi.
