Álemdik opera sahnasynda Qazaqstannyń abyroiyn asqaqtatyp júrgen belgili opera ánshisi Maira Muhamedqyzy eldegi óner adamdaryna kórsetiletin qurmet jaily jan syryn aqtardy, dep habarlaidy ult.kz.
Óner iesi halyqaralyq deńgeide zor jetistikterge jetip, álemniń eń bedeldi teatrlary men kontserttik sahnalarynda óner kórsetkenimen, týǵan jerinde eńbeginiń laiyqty baǵalanbai júrgenine qynjylatynyn jasyrmady. Onyń aitýynsha, shetelde ónerine joǵary baǵa berilip, erekshe qurmet kórsetilip, túrli shyǵarmashylyq usynystar tússe de, óz elinde dál sondai qoldaý men moiyndaýdy sezine bermeidi.
Maira Muhamedqyzy bul taqyrypty qozǵaǵanda erekshe tolqyp, kózine jas aldy. Ánshi úshin týǵan eliniń yqylasy men baǵasy kez kelgen marapattan qymbat ekenin aityp, Qazaqstanda óner jolynda sińirgen eńbegi eleýsiz qalyp jatqandai áserde ekenin jetkizdi.
Ol shetelde Qazaqstannyń mádenieti men ónerin tanytyp júrgen árbir ónerpazdyń eńbegi el ishinde de laiyqty baǵalanýy qajet ekenin atap ótti. Óner iesiniń bul janaiqaiy áleýmettik jeli qoldanýshylary arasynda qyzý talqylanyp, kópshilik onyń sózin qoldap, el namysyn halyqaralyq sahnada qorǵap júrgen talanttarǵa kóbirek qurmet kórsetilýi kerektigin jazýda.
