17–21 maýsym aralyǵynda Gonkongta FIDE World Team Rapid and Blitz Championships 2026 — rapid jáne blits boiynsha álemdik komandalyq chempionat ótedi. Týrnir Queen Elizabeth Stadium arenasynda ótedi jáne alǵash ret Shyǵys Aziiada uiymdastyrylady. Negizgi jarys kúnderi 17–21 maýsymǵa josparlanǵan, baǵdarlama rapid týrnirimen bastalady.
Qazaqstan shahmat federatsiiasy jáne onyń bas demeýshisi Freedom Holding Corp. Gonkongta eki komandamen — Kazchess jáne Barys.kz usynylady.
Kazchess komandasy rapid boiynsha ortasha reitingke sáikes úzdik úshtikke kiredi. Komanda kapitany — Qazaqstan shahmat federatsiiasynyń birinshi vitse-prezidenti Darmen Sadvakasov. Komanda quramynda Bibisara Asaýbaeva, Qazybek Nógerbek, Aldiiar Ansat, Merýert Kamalidenova jáne áýesqoi Kumar Túlepuly oinaidy. Sondai-aq quramdy juldyzdy legionerler kúsheitedi: Shahriiar Mamediarov, Aleksandr Grishýk, Rihard Rapport jáne Van Hao.
Ekinshi qazaqstandyq komanda — Barys.kz — 9-shyqqan nómirmen bastaidy. Komanda kapitany — QShF atqarýshy direktory Gúlmira Dáýletova. Barys.kz quramynda tájiribeli grossmeisterler Piotr Svidler men Dmitrii Andreikin, sondai-aq jas qazaqstandyq shahmatshylar Denis Mahnev, Ramazan Jalmahanov, Daniial Sapenov, Erǵali Súleimen, Kseniia Balabaeva, Alýa Nurman jáne áýesqoi Ailin Zarqym oinaidy.
Rapid týrniri 17–19 maýsym aralyǵynda ótedi. Qatysýshylar 12 raýnd boiynsha shveitsar júiesimen, 15+10 ýaqyt baqylaýymen (partiiaǵa 15 minýt + ár júriske 10 sekýnd qosymsha) oinaidy. Matchtar 6 taqtada ótedi, ár komanda quramynda mindetti túrde bir áiel jáne Elo reitingi 2000-den tómen áýesqoi shahmatshy bolýy tiis.
Startovyi tizimdi internatsionaldyq WR Chess komandasy bastaidy. Onyń quramynda Magnýs Karlsen, Maksim Vashe-Lagrav, Fabiano Karýana, Ýesli So, Ian-Kshishtof Dýda, sondai-aq Aleksandra Goriachkina jáne eks-álem chempiony Aleksandra Kosteniýk bar.
Negizgi básekelesterdiń qatarynda Hexamind Chess Team komandasy — Alireza Firýzdja, Levon Aronian, Anish Giri, Vidit Santosh Gýdjrati, 2024 jylǵy rapid boiynsha álem chempiony Volodar Mýrzin, Katerina Lagno jáne Divia Deshmuh. Hexamind komandasynda áýesqoi retinde Aqtaýlyq bapker Anvar Shaihymovtyń tárbielenýshisi, qazir Londonda oqyp jáne oinaityn qazaqstandyq Murat Omarov óner kórsetedi.
Myqty quramdardy qytailyq Dragon Chilling, úndistandyq Team MGD1, Endgame.AI, Mr Birdie and friends, Chess United, Chessgurukul jáne Ózbekstan quramasy da usyndy. Dragon Chilling quramynda eks-álem chempiony Din Lijen, álem chempiony Tsziýi Ventsziýn, Vei I, Lei Tintsze jáne Iýi Iani bar. Team MGD1 quramynda Ardjýn Erigaisi, Nihal Sarin jáne Harika Dronavalli erekshe kózge túsedi.
Gonkongtaǵy qazaqstandyq ókildik Kazchess jáne Barys.kz komandalarymen shektelmeidi. Grossmeister Rinat Jumabaev dástúr boiynsha Singapýrdyń Theme International Trading komandasy úshin óner kórsetedi.
Rapid jáne blits boiynsha álemdik komandalyq chempionat FIDE tarapynan 2023 jyldan bastap ótkizilip keledi. Alǵashqy týrnir Diýsseldorfta, keiingi jyldary Astana men Londonda ótti. 2026 jyly chempionat Gonkongta 48 komandany jáne shamamen 400 shahmatshyny qabyldaidy.
Rapid týrniriniń jalpy júlde qory 310 myń eýrony quraidy. Chempion komanda 110 myń eýro, kúmis júldeger 70 myń eýro, qola júldeger 50 myń eýro alady. Sondai-aq 4-ten 6-orynǵa deiingi komandalarǵa jáne 2400, 2200 reitingke deiingi sanattar boiynsha arnaiy aqshalai júldeler qarastyrylǵan.
