Qazaqstanda jylý eseptegishi joq úilerde turatyn tutynýshylarǵa jylý energiiasy úshin tólem qaita esepteldi, dep habarlaidy ult.kz.
Qazaqstan Ulttyq ekonomika ministrliginiń Tabiǵi monopoliialardy retteý komiteti men onyń aýmaqtyq departamentteri 2025–2026 jyldardaǵy jylytý maýsymy boiynsha tiisti jumysty aiaqtady.
Vedomstvo málimetinshe, jylý energiiasyn esepke alý aspaptary joq tutynýshylar úshin jylý aqysy qaita eseptelip, onyń jalpy somasy 1 mlrd 217,02 mln teńgeni qurady.
Qaita esepteý syrtqy aýanyń naqty temperatýrasy eskerilip júrgizilgen. Bul soma tutynýshynyń jeke shotynda avans (saldo) retinde bólek jolmen kórsetiledi.
Qaita eseptelgen qarajat óńirler boiynsha mynadai:
- Astana – 460,67 mln teńge;
- Almaty – 57,77 mln teńge;
- Shymkent – 38,50 mln teńge;
- Abai oblysy – 0,27 mln teńge;
- Almaty oblysy – 12,70 mln teńge;
- Aqmola oblysy – 13,98 mln teńge;
- Atyraý oblysy – 22,09 mln teńge;
- Aqtóbe oblysy – 11,03 mln teńge;
- Shyǵys Qazaqstan oblysy – 298,56 mln teńge;
- Jambyl oblysy – 26,06 mln teńge;
- Batys Qazaqstan oblysy – 1,82 mln teńge;
- Qostanai oblysy – 25,69 mln teńge;
- Qyzylorda oblysy – 42,21 mln teńge;
- Mańǵystaý oblysy – 161,60 mln teńge;
- Pavlodar oblysy – 29,11 mln teńge;
- Soltústik Qazaqstan oblysy – 14,59 mln teńge;
- Túrkistan oblysy – 0,37 mln teńge.
Komitettiń túsindirýinshe, Qaraǵandy, Ulytaý jáne Jetisý oblystarynda bólek qaita esepteý júrgizilmeidi. Sebebi bul óńirlerde jylý qyzmetiniń quny bastapqydan syrtqy aýanyń naqty temperatýrasy eskerilip eseptelgen.
Al Astanada 2025–2026 jyldardaǵy jylytý maýsymy boiynsha tólem syrtqy aýanyń naqty temperatýrasyna qarai qaita eseptelgen. Elordalyq tutynýshylardyń ai saiynǵy tólemi maýsym boiy temperatýranyń ózgerýine bailanysty túzetilip otyrǵan.
Salystyrý úshin, 2024–2025 jyldardaǵy jylytý maýsymynyń qorytyndysy boiynsha jylý eseptegishi joq tutynýshylarǵa shamamen 1,55 mlrd teńge kóleminde qaita esepteý júrgizilgen.
