قازاقستاندا جىلۋ ەسەپتەگٸشٸ جوق ٷيلەردە تۇراتىن تۇتىنۋشىلارعا جىلۋ ەنەرگيياسى ٷشٸن تٶلەم قايتا ەسەپتەلدٸ, دەپ حابارلايدى ult.kz.
قازاقستان ۇلتتىق ەكونوميكا مينيسترلٸگٸنٸڭ تابيعي مونوپولييالاردى رەتتەۋ كوميتەتٸ مەن ونىڭ اۋماقتىق دەپارتامەنتتەرٸ 2025–2026 جىلدارداعى جىلىتۋ ماۋسىمى بويىنشا تيٸستٸ جۇمىستى اياقتادى.
ۆەدومستۆو مەلٸمەتٸنشە, جىلۋ ەنەرگيياسىن ەسەپكە الۋ اسپاپتارى جوق تۇتىنۋشىلار ٷشٸن جىلۋ اقىسى قايتا ەسەپتەلٸپ, ونىڭ جالپى سوماسى 1 ملرد 217,02 ملن تەڭگەنٸ قۇرادى.
قايتا ەسەپتەۋ سىرتقى اۋانىڭ ناقتى تەمپەراتۋراسى ەسكەرٸلٸپ جٷرگٸزٸلگەن. بۇل سوما تۇتىنۋشىنىڭ جەكە شوتىندا اۆانس (سالدو) رەتٸندە بٶلەك جولمەن كٶرسەتٸلەدٸ.
قايتا ەسەپتەلگەن قاراجات ٶڭٸرلەر بويىنشا مىناداي:
- استانا – 460,67 ملن تەڭگە;
- الماتى – 57,77 ملن تەڭگە;
- شىمكەنت – 38,50 ملن تەڭگە;
- اباي وبلىسى – 0,27 ملن تەڭگە;
- الماتى وبلىسى – 12,70 ملن تەڭگە;
- اقمولا وبلىسى – 13,98 ملن تەڭگە;
- اتىراۋ وبلىسى – 22,09 ملن تەڭگە;
- اقتٶبە وبلىسى – 11,03 ملن تەڭگە;
- شىعىس قازاقستان وبلىسى – 298,56 ملن تەڭگە;
- جامبىل وبلىسى – 26,06 ملن تەڭگە;
- باتىس قازاقستان وبلىسى – 1,82 ملن تەڭگە;
- قوستاناي وبلىسى – 25,69 ملن تەڭگە;
- قىزىلوردا وبلىسى – 42,21 ملن تەڭگە;
- ماڭعىستاۋ وبلىسى – 161,60 ملن تەڭگە;
- پاۆلودار وبلىسى – 29,11 ملن تەڭگە;
- سولتٷستٸك قازاقستان وبلىسى – 14,59 ملن تەڭگە;
- تٷركٸستان وبلىسى – 0,37 ملن تەڭگە.
كوميتەتتٸڭ تٷسٸندٸرۋٸنشە, قاراعاندى, ۇلىتاۋ جەنە جەتٸسۋ وبلىستارىندا بٶلەك قايتا ەسەپتەۋ جٷرگٸزٸلمەيدٸ. سەبەبٸ بۇل ٶڭٸرلەردە جىلۋ قىزمەتٸنٸڭ قۇنى باستاپقىدان سىرتقى اۋانىڭ ناقتى تەمپەراتۋراسى ەسكەرٸلٸپ ەسەپتەلگەن.
ال استانادا 2025–2026 جىلدارداعى جىلىتۋ ماۋسىمى بويىنشا تٶلەم سىرتقى اۋانىڭ ناقتى تەمپەراتۋراسىنا قاراي قايتا ەسەپتەلگەن. ەلوردالىق تۇتىنۋشىلاردىڭ اي سايىنعى تٶلەمٸ ماۋسىم بويى تەمپەراتۋرانىڭ ٶزگەرۋٸنە بايلانىستى تٷزەتٸلٸپ وتىرعان.
سالىستىرۋ ٷشٸن, 2024–2025 جىلدارداعى جىلىتۋ ماۋسىمىنىڭ قورىتىندىسى بويىنشا جىلۋ ەسەپتەگٸشٸ جوق تۇتىنۋشىلارعا شامامەن 1,55 ملرد تەڭگە كٶلەمٸندە قايتا ەسەپتەۋ جٷرگٸزٸلگەن.
