Qazaqstan azamattary 2026 jyldyń shildesinen bastap Indoneziiaǵa vizasyz kirip, el aýmaǵynda 30 kúnge deiin bola alady, dep habarlaidy ult.kz.
Indoneziia Syrtqy ister ministrligi bul sheshimdi ózara qaǵidaty negizinde qabyldaǵan. Buǵan deiin Indoneziia azamattaryna da Qazaqstanǵa sapar kezinde osyndai múmkindik berilgen. Bul týraly QR Syrtqy ister ministrligi habarlady.
Vizasyz rejim eki eldiń ulttyq tólqujat ielerine qoldanylady. Qazaqstan azamattary úshin kirý tegin jáne bir ret kirýge múmkindik beredi. Elde bolýdyń eń uzaq merzimi – kelgen kúnnen bastap 30 kún.
Alaida vizasyz rejim sheteldik týristerge qoiylatyn jalpy talaptardy joimaidy.
Atap aitqanda, 2025 jyldyń 1 qazanynan bastap Indoneziiaǵa shetelden keletin barlyq jolaýshy All Indonesia biryńǵai elektrondy deklaratsiiasyn toltyrýy tiis.
Deklaratsiiany toltyrý tegin. Ony elge saparǵa shyqpai turyp aldyn ala rásimdeýge bolady.
