Qyrǵyzstannyń Qorýmdý aýylynda (U8–U20) ótken jastar chempionaty rapid týrnirimen bastaldy. Qazaqstandyq sportshylar 9 medal jeńip aldy, onyń ishinde úsh altyn bar.
Qazaqstan qorjynyna altyn medal ákelgender: Alihan Saǵyntaev (O10), Iýrii Pak (O12) jáne Bibisara Erjan (G14).
Úsh kúmis medaldy Álinýr Baýyrjan (O8), Nurislam Sultanhan (O10) jáne Aldiiar Jaras (O14) jeńip aldy. Qola medaldar Narmina Asylbekqyzynyń (G8), Aqniet Qumysbaidyń (G10) jáne Ailin Zarqymnyń (G16) enshisinde.
Jarysta Qazaqstan, Qyrǵyzstan, Tájikstan, Túrikmenstan, Ózbekstan jáne Reseiden 479 jas shahmatshy qatysýda. Eń kóp qatysýshy — jarys iesi Qyrǵyzstan (193 sportshy).
Chempionat jeti jas kategoriiasynda uldar men qyzdar úshin bólek ótedi: O08/G08 (2018 j.t. jáne kishi), O10/G10 (2016 j.t. jáne kishi), O12/G12 (2014 j.t. jáne kishi), O14/G14 (2013 j.t. jáne kishi), O16/G16 (2010 j.t. jáne kishi), O18/G18 (2008 j.t. jáne kishi), O20/G20 (2006 j.t. jáne kishi).
2026 jyldan bastap Qazaqstannyń jas talanttardy qoldaý baǵdarlamasyna ózgeris engizildi: Batys Aziia chempionatynyń ornyna Ortalyq jáne Soltústik Aziia chempionaty esepke alynady. Sondyqtan Central and North Asian Youth U8–U20 Chess Championship 2026 jas sportshylar úshin úlken mańyzǵa ie. Jarys 8 shildege deiin jalǵasady. Rapidten keiin qatysýshylar klassika jáne blits boiynsha kúsh synasady.
