Qazaqstandyqtar ipoteka rásimdeý úshin alty jyl buryn «Otbasy banktegi» depozitke aýdarǵan zeinetaqy jinaqtaryn BJZQ-ǵa qaitarýdyń qajeti joq. Qarajat depozitte qala beredi, dep habarlaidy ult.kz.
«Otbasy bank» buǵan deiin zeinetaqy jinaǵyn turǵyn úi alýǵa paidalaný úshin depozitke aýdarǵan salymshylarǵa qatysty túsinikteme berdi.
Bank málimetinshe, zańnamaǵa engizilgen ózgeristerge sáikes, alty jyl merzimi ótkennen keiin de paidalanylmaǵan qarajat avtomatty túrde Biryńǵai jinaqtaýshy zeinetaqy qoryna (BJZQ) qaitarylmaidy.
«Endi aqshany BJZQ-ǵa qaitarýdyń qajeti joq. Engizilgen ózgeristerge sáikes, qarajat alty jyl merzimi ótkennen keiin de «Otbasy banktegi» depozitińizde qalady», – dep túsindirdi bank.
Buǵan deiin zeinetaqy jinaǵyn «Otbasy banktiń» depozitine aýdarýǵa qatysty túsindirmelerde alty jyldyq merzim kórsetilgen. Osyǵan bailanysty salymshylar paidalanylmaǵan qarajat merzim aiaqtalǵannan keiin BJZQ-ǵa qaitarylady dep alańdaǵan.
Sonymen qatar «Otbasy bank» salymshylarǵa ipotekany rásimdeýdi keiinge qaldyrmai, múmkindik bolsa, depozittegi qarajatty turǵyn úi satyp alý kezinde bastapqy jarna retinde paidalanýdy usynady.
Aita keteiik, zańnamada kózdelgen talaptarǵa sáikes, zeinetaqy jinaǵyn turǵyn úi jaǵdaiyn jaqsartýǵa baǵyttaýǵa bolady. Atap aitqanda, qarajatty ipotekamen turǵyn úi satyp alýǵa, sondai-aq jer ýchaskesin satyp ala otyryp, jeke turǵyn úi salýǵa paidalanýǵa ruqsat etiledi.
