قازاقستاندىقتار يپوتەكا رەسٸمدەۋ ٷشٸن التى جىل بۇرىن «وتباسى بانكتەگٸ» دەپوزيتكە اۋدارعان زەينەتاقى جيناقتارىن بجزق-عا قايتارۋدىڭ قاجەتٸ جوق. قاراجات دەپوزيتتە قالا بەرەدٸ, دەپ حابارلايدى ult.kz.
«وتباسى بانك» بۇعان دەيٸن زەينەتاقى جيناعىن تۇرعىن ٷي الۋعا پايدالانۋ ٷشٸن دەپوزيتكە اۋدارعان سالىمشىلارعا قاتىستى تٷسٸنٸكتەمە بەردٸ.
بانك مەلٸمەتٸنشە, زاڭناماعا ەنگٸزٸلگەن ٶزگەرٸستەرگە سەيكەس, التى جىل مەرزٸمٸ ٶتكەننەن كەيٸن دە پايدالانىلماعان قاراجات اۆتوماتتى تٷردە بٸرىڭعاي جيناقتاۋشى زەينەتاقى قورىنا (بجزق) قايتارىلمايدى.
«ەندٸ اقشانى بجزق-عا قايتارۋدىڭ قاجەتٸ جوق. ەنگٸزٸلگەن ٶزگەرٸستەرگە سەيكەس, قاراجات التى جىل مەرزٸمٸ ٶتكەننەن كەيٸن دە «وتباسى بانكتەگٸ» دەپوزيتٸڭٸزدە قالادى», – دەپ تٷسٸندٸردٸ بانك.
بۇعان دەيٸن زەينەتاقى جيناعىن «وتباسى بانكتٸڭ» دەپوزيتٸنە اۋدارۋعا قاتىستى تٷسٸندٸرمەلەردە التى جىلدىق مەرزٸم كٶرسەتٸلگەن. وسىعان بايلانىستى سالىمشىلار پايدالانىلماعان قاراجات مەرزٸم اياقتالعاننان كەيٸن بجزق-عا قايتارىلادى دەپ الاڭداعان.
سونىمەن قاتار «وتباسى بانك» سالىمشىلارعا يپوتەكانى رەسٸمدەۋدٸ كەيٸنگە قالدىرماي, مٷمكٸندٸك بولسا, دەپوزيتتەگٸ قاراجاتتى تۇرعىن ٷي ساتىپ الۋ كەزٸندە باستاپقى جارنا رەتٸندە پايدالانۋدى ۇسىنادى.
ايتا كەتەيٸك, زاڭنامادا كٶزدەلگەن تالاپتارعا سەيكەس, زەينەتاقى جيناعىن تۇرعىن ٷي جاعدايىن جاقسارتۋعا باعىتتاۋعا بولادى. اتاپ ايتقاندا, قاراجاتتى يپوتەكامەن تۇرعىن ٷي ساتىپ الۋعا, سونداي-اق جەر ۋچاسكەسٸن ساتىپ الا وتىرىپ, جەكە تۇرعىن ٷي سالۋعا پايدالانۋعا رۇقسات ەتٸلەدٸ.
