Qazaqstannyń birneshe óńirinde júrgizilgen arnaiy sharalar barysynda zańsyz saqtalǵan qarý-jaraq pen oq-dárilerdiń iri partiiasy anyqtaldy, dep habarlaidy ult.kz.
Ulttyq qaýipsizdik komiteti politsiia organdarymen birlesip, prokýratýranyń úilestirýimen zańsyz qarý ainalymynyń jolyn kesýge baǵyttalǵan jedel-izdestirý is-sharalaryn ótkizdi.
Vedomstvonyń málimetinshe, biyl shilde aiynda Almaty, Shymkent qalalarynda jáne elimizdiń 8 óńirinde júrgizilgen operatsiialar nátijesinde 31 birlik qarý tárkilengen.
Tárkilengen zattardyń ishinde:
4 avtomat;
20 myltyq;
7 tapansha;
2 granata;
278 dana oq-dári bar.
Qazirgi ýaqytta jedel-tergeý sharalary jalǵasyp jatyr. Qylmystyq-protsestik kodekstiń 201-babyna sáikes, tergeý múddesine bailanysty is boiynsha qosymsha aqparat jariialanbaidy.
Ulttyq qaýipsizdik komiteti zańsyz qarý ainalymyna qarsy kúres jumystary turaqty túrde jalǵasatynyn málimdedi.
Aita keteiik, buǵan deiin Almatyda qapqa jasyrylǵan qarý-jaraq tabylǵany habarlanǵan bolatyn.
