Premer-ministrdiń orynbasary – ulttyq ekonomika ministri Serik Jumanǵarin Úkimet otyrysynda Prezidenttiń ekonomikalyq ósýdiń jańa modeline kóshý jónindegi tapsyrmasyn oryndaý boiynsha qabyldanyp jatqan sharalar týraly baiandady, dep habarlaidy ult.kz.
Ol Úkimet júrgizip jatqan jumys azamattardyń ál-aýqatyn arttyrýǵa, ekonomikany turaqty damytýǵa jáne onyń básekege qabilettiligin nyǵaitýǵa baǵyttalǵanyn atap ótti.
«Halyqtyń naqty tabysyn arttyrý Úkimet úshin negizgi basymdyq bolyp sanalady. Ol úshin Úkimet Ulttyq Bankpen jáne Qarjy naryǵyn retteý jáne damytý agenttigimen birlesip Makroekonomikalyq turaqtandyrý jáne halyqtyń ál-aýqatyn arttyrý jónindegi 2026 – 2028 jyldarǵa arnalǵan baǵdarlamany júzege asyrýda. Sondai-aq biyl biz Halyqtyń tabysyn arttyrý boiynsha jeke baǵdarlama qabyldadyq», — dep atap ótti Serik Jumanǵarin.
Elimizde jalaqyny arttyrý, sapaly jumys oryndaryn qurý, boryshtyq júktemeni azaitý jáne kásipkerlikti damytýdy yntalandyrý boiynsha sharalar qabyldanatyny atap ótildi.
Sondai-aq qarsy mindettemelerdi oryndaý arqyly ailyq jalaqynyń eń tómengi mólsherin, azamattyq qyzmetshilerdiń jalaqysynyń, jaldamaly jumyskerlerdiń tabysyn arttyrý máselesi qaralatyn bolady.
Halyqtyń kredittik júktemesi máselesine jáne tutynýshylyq kreditterdiń ósýine erekshe nazar aýdaryldy. Úkimettiń basty baǵdary halyqtyń naqty tabysynyń 2-3%-dan joǵary deńgeide ósýin qamtamasyz etý bolyp sanalady.
Sondai-aq halyq tabysynyń joǵarylaýyna ekonomikanyń turaqty, sapaly ósýin qamtamasyz etýge jáne infliatsiiany tómendetýge baǵyttalǵan sharalar yqpal etetin bolady.
