2026 jylǵy shilde aiynda Qazaqstandaǵy ailyq infliatsiia 0,6%-dy qurady. Bul maýsymdaǵy 0,8%-dyq kórsetkishten tómen ekenin kórsetedi, dep habarlaidy ult.kz.
Shildede baǵanyń eń kóp tómendeýi maýsymdyq jemis-kókónis ónimderinde tirkeldi. Atap aitqanda, qiiar 22,6%-ǵa, qyzanaq 17,7%-ǵa, sábiz 5,3%-ǵa arzandady. Sondai-aq banannyń baǵasy 4%-ǵa, almanyki 2,7%-ǵa, apelsin 2,3%-ǵa, limon men kartop 1,6%-ǵa tómendedi. Budan bólek, jumyrtqa 1,4%-ǵa, arpa jarmasy 1,3%-ǵa arzandaǵan.
Azyq-túlikke jatpaityn taýarlar arasynda paidalanylǵan jeńil avtokólikterdiń baǵasy 3,8%-ǵa tómendedi. Sonymen qatar elektr ettartqyshtar 2,2%-ǵa, kir sabyny 1,5%-ǵa, smartfondar men kózildirikter 1,3%-ǵa, shash boiaýy 0,7%-ǵa arzandady.
Sonymen birge jyldyq infliatsiia da azdap baiaýlap, shilde aiynyń qorytyndysy boiynsha 10,2%-dy qurady. Maýsym aiynda bul kórsetkish 10,3% bolǵan.
Jyldyq esepte azyq-túlikke jatpaityn taýarlar baǵasy 11,7%-ǵa, azyq-túlik taýarlary 10,1%-ǵa, al aqyly qyzmetterdiń quny 9,2%-ǵa ósti.
