2026 جىلعى شٸلدە ايىندا قازاقستانداعى ايلىق ينفلياتسييا 0,6%-دى قۇرادى. بۇل ماۋسىمداعى 0,8%-دىق كٶرسەتكٸشتەن تٶمەن ەكەنٸن كٶرسەتەدٸ, دەپ حابارلايدى ult.kz.
شٸلدەدە باعانىڭ ەڭ كٶپ تٶمەندەۋٸ ماۋسىمدىق جەمٸس-كٶكٶنٸس ٶنٸمدەرٸندە تٸركەلدٸ. اتاپ ايتقاندا, قييار 22,6%-عا, قىزاناق 17,7%-عا, سەبٸز 5,3%-عا ارزاندادى. سونداي-اق باناننىڭ باعاسى 4%-عا, المانىكٸ 2,7%-عا, اپەلسين 2,3%-عا, ليمون مەن كارتوپ 1,6%-عا تٶمەندەدٸ. بۇدان بٶلەك, جۇمىرتقا 1,4%-عا, ارپا جارماسى 1,3%-عا ارزانداعان.
ازىق-تٷلٸككە جاتپايتىن تاۋارلار اراسىندا پايدالانىلعان جەڭٸل اۆتوكٶلٸكتەردٸڭ باعاسى 3,8%-عا تٶمەندەدٸ. سونىمەن قاتار ەلەكتر ەتتارتقىشتار 2,2%-عا, كٸر سابىنى 1,5%-عا, سمارتفوندار مەن كٶزٸلدٸرٸكتەر 1,3%-عا, شاش بوياۋى 0,7%-عا ارزاندادى.
سونىمەن بٸرگە جىلدىق ينفلياتسييا دا ازداپ باياۋلاپ, شٸلدە ايىنىڭ قورىتىندىسى بويىنشا 10,2%-دى قۇرادى. ماۋسىم ايىندا بۇل كٶرسەتكٸش 10,3% بولعان.
جىلدىق ەسەپتە ازىق-تٷلٸككە جاتپايتىن تاۋارلار باعاسى 11,7%-عا, ازىق-تٷلٸك تاۋارلارى 10,1%-عا, ال اقىلى قىزمەتتەردٸڭ قۇنى 9,2%-عا ٶستٸ.
