Qazaqstanda memlekettik nagradalar qataryna «Shámshi Qaldaiaqov» medali engiziledi, dep habarlaidy ult.kz.
Sonymen qatar «Qazaqstannyń eńbek sińirgen sýretshisi» atty jańa qurmetti ataq paida bolady. Bul týraly Prezidenttiń keńesshisi – Baspasóz hatshysy Aibek Smadiiarov málimdedi.
Memleket basshysy Qasym-Jomart Toqaev bul sheshimdi ulttyq mádeniet pen ónerdi qoldaý maqsatynda qabyldaǵan.
Jańa medal ult mádenietine qyzmet etip, mýzyka ónerin damytýǵa jáne ulttyq án ónerin nasihattaýǵa úles qosqan azamattarǵa beriledi.
Al «Qazaqstannyń eńbek sińirgen sýretshisi» qurmetti ataǵy beineleý óneri, músindeý, grafika jáne sándik-qoldanbaly óner salasynda eńbek etip, ulttyq mádenietti damytýǵa úles qosqan shyǵarmashylyq ókilderine tabystalady.
Aibek Smadiiarovtyń aitýynsha, mádeniet pen óner – ulttyq biregeiliktiń mańyzdy tiregi. Sondyqtan jańa Ata zańda tól mádenietti jan-jaqty qoldaý memlekettiń konstitýtsiialyq mindeti retinde bekitilgen.
Shámshi Qaldaiaqov – qazaq mýzyka óneriniń kórnekti ókili, kóptegen tanymal ánderdiń avtory. Onyń shyǵarmalary qazaqtyń rýhani-mádeni murasynyń ajyramas bóligine ainalǵan.
