Memleket basshysy Qasym-Jomart Toqaev Ishki ister ministri Erjan Sádenovti qabyldap, eldegi kriminogendik ahýal men quqyq qorǵaý organdarynyń jumysy týraly esep tyńdady, dep habarlaidy ult.kz.
Ishki ister ministriniń málimetinshe, 2026 jyldyń alǵashqy bes aiynda tirkelgen qylmystar sany ótken jyldyń sáikes kezeńimen salystyrǵanda 9 paiyzǵa tómendegen. Sonymen qatar negizgi sanattar boiynsha quqyqbuzýshylyqtardyń azaiýy jáne qylmystardy ashý kórsetkishiniń jaqsarýy baiqalady.
Erjan Sádenov qoǵamdyq qaýipsizdikti qamtamasyz etý jáne quqyqbuzýshylyqtardyń aldyn alý baǵytyndaǵy jumystarǵa erekshe kóńil bólinip jatqanyn aitty. Onyń sózinshe, jazanyń bultartpastyǵy qaǵidatyn iske asyrý aiasynda biyl ótken jyldary jasalǵan 1685 qylmys ashylǵan.
Sondai-aq quqyq qorǵaý organdary sot tóreliginen jasyrynǵan 574 qylmyskerdi ustaǵan. Olardyń 89-y shetel aýmaǵynda anyqtalǵan.
Kezdesý barysynda ministr kiberqylmysqa, esirtki saýdasyna, uiymdasqan qylmys pen ekstremizmge qarsy kúres nátijeleri týraly da baiandady. Onyń aitýynsha, qylmystyq toptardyń jolyn kesý, azamattardy túrli qaýip-qaterden qorǵaý jáne halyqaralyq yntymaqtastyqty kúsheitý boiynsha keshendi sharalar qabyldanyp jatyr.
Jiyn qorytyndysynda Qasym-Jomart Toqaev qoǵamdyq qaýipsizdikti nyǵaitý jáne quqyqtyq tártipti qamtamasyz etý maqsatynda «Zań men tártip» qaǵidatyn naqty iske asyrý jóninde birqatar tapsyrma berdi.
