مەملەكەت باسشىسى قاسىم-جومارت توقاەۆ ٸشكٸ ٸستەر مينيسترٸ ەرجان سەدەنوۆتٸ قابىلداپ, ەلدەگٸ كريمينوگەندٸك احۋال مەن قۇقىق قورعاۋ ورگاندارىنىڭ جۇمىسى تۋرالى ەسەپ تىڭدادى, دەپ حابارلايدى ult.kz.
ٸشكٸ ٸستەر مينيسترٸنٸڭ مەلٸمەتٸنشە, 2026 جىلدىڭ العاشقى بەس ايىندا تٸركەلگەن قىلمىستار سانى ٶتكەن جىلدىڭ سەيكەس كەزەڭٸمەن سالىستىرعاندا 9 پايىزعا تٶمەندەگەن. سونىمەن قاتار نەگٸزگٸ ساناتتار بويىنشا قۇقىقبۇزۋشىلىقتاردىڭ ازايۋى جەنە قىلمىستاردى اشۋ كٶرسەتكٸشٸنٸڭ جاقسارۋى بايقالادى.
ەرجان سەدەنوۆ قوعامدىق قاۋٸپسٸزدٸكتٸ قامتاماسىز ەتۋ جەنە قۇقىقبۇزۋشىلىقتاردىڭ الدىن الۋ باعىتىنداعى جۇمىستارعا ەرەكشە كٶڭٸل بٶلٸنٸپ جاتقانىن ايتتى. ونىڭ سٶزٸنشە, جازانىڭ بۇلتارتپاستىعى قاعيداتىن ٸسكە اسىرۋ اياسىندا بيىل ٶتكەن جىلدارى جاسالعان 1685 قىلمىس اشىلعان.
سونداي-اق قۇقىق قورعاۋ ورگاندارى سوت تٶرەلٸگٸنەن جاسىرىنعان 574 قىلمىسكەردٸ ۇستاعان. ولاردىڭ 89-ى شەتەل اۋماعىندا انىقتالعان.
كەزدەسۋ بارىسىندا مينيستر كيبەرقىلمىسقا, ەسٸرتكٸ ساۋداسىنا, ۇيىمداسقان قىلمىس پەن ەكسترەميزمگە قارسى كٷرەس نەتيجەلەرٸ تۋرالى دا باياندادى. ونىڭ ايتۋىنشا, قىلمىستىق توپتاردىڭ جولىن كەسۋ, ازاماتتاردى تٷرلٸ قاۋٸپ-قاتەردەن قورعاۋ جەنە حالىقارالىق ىنتىماقتاستىقتى كٷشەيتۋ بويىنشا كەشەندٸ شارالار قابىلدانىپ جاتىر.
جيىن قورىتىندىسىندا قاسىم-جومارت توقاەۆ قوعامدىق قاۋٸپسٸزدٸكتٸ نىعايتۋ جەنە قۇقىقتىق تەرتٸپتٸ قامتاماسىز ەتۋ ماقساتىندا «زاڭ مەن تەرتٸپ» قاعيداتىن ناقتى ٸسكە اسىرۋ جٶنٸندە بٸرقاتار تاپسىرما بەردٸ.
