Qazaqstanda otandyq óndirýshilerdiń ónimin ishki naryqta ilgeriletý jáne saýda infraqurylymyna qoljetimdiligin keńeitý boiynsha jańa sharalar qolǵa alyndy. Bul týraly Úkimet otyrysynda Saýda jáne integratsiia ministri Arman Shaqqaliev málimdedi, dep habarlaidy ult.kz.
Ministrdiń aitýynsha, qazaqstandyq ónimdi qoldaý maqsatynda tutynýshylyq marketingtiń zamanaýi quraldary engizilýde. Endi otandyq taýarlar saýda jelilerindegi eń suranysqa ie sórelerge ornalastyrylyp, «Qazaqstanda jasalǵan» arnaiy belgisimen tańbalanady. Sonymen qatar jańa óndirýshiler úshin arnaiy sóreler men «jasyl sóreler» qarastyrylǵan.
Osyndai talaptar Kaspi, Halyk Market, Clever, TEEZ jáne basqa da qazaqstandyq elektrondyq saýda platformalarynda kezeń-kezeńimen engizilmek. Bul qazaqstandyq ónimniń internet-dúkenderdegi kórinýin arttyryp, tutynýshylarǵa ony tańdaýdy jeńildetedi.
Budan bólek, zańnamaǵa engizilgen ózgeristerge sáikes, saýda jelilerine otandyq óndirýshilermen jetkizý sharttaryn jasasýdan negizsiz bas tartýǵa tyiym salyndy. Sondai-aq saýda jelilerimen jyl saiyn jasalatyn memorandýmdarda qazaqstandyq ónimdi ótkizýdi arttyrýǵa baǵyttalǵan naqty mindettemeler bekitiledi.
Saýda infraqurylymyndaǵy ashyqtyqty qamtamasyz etý úshin iri saýda ortalyqtary men bazarlardaǵy jaldaý aqysyn qalyptastyrýdyń biryńǵai erejeleri engizildi. Endi jaldaý qunyn jylyna bir retten artyq qaita qaraýǵa bolmaidy. Sonymen qatar jyl sońyna deiin otandyq óndirýshilerdi saýda jelilerimen tikelei bailanystyratyn QazTrade Retail tsifrlyq platformasyn iske qosý josparlanyp otyr.
Sonymen birge Úkimet ishki naryqty qorǵaý maqsatynda birqatar qurylys materialdarynyń importyn shektedi. Ónerkásip jáne qurylys ministri Ersaiyn Naǵaspaevtyń aitýynsha, úshinshi elderden tsement, gipsokarton, tabaq shyny, tastan jasalǵan buiymdar jáne qurǵaq qurylys qospalaryn ákelýge qoiylǵan shekteýler ishki naryqtaǵy baǵaǵa keri áser etpei, kerisinshe otandyq óndiristiń damýyna serpin bergen.
Ishki naryqty turaqty qamtamasyz etý úshin mineraldy tyńaitqyshtardy eksporttaý litsenziialaý tártibi engizildi. Bul fermerlerdi tyńaitqyshpen belgilengen baǵamen qamtamasyz etýge múmkindik beredi. Sonymen qatar qara metallýrgiiany damytý, bolattyń jańa túrlerin óndirý jáne avtomobil, mashina jasaý men qurylys salalaryna arnalǵan ónim kólemin ulǵaitý baǵytyndaǵy jumystar jalǵasýda.
Ministrdiń aitýynsha, óndiristi tolyq júkteý jáne qazaqstandyq ónimniń ótkizý naryǵyn keńeitý úshin Qazaqstandyq taýar óndirýshilerdiń tizilimi iske qosylǵan. Iri kompaniialar otandyq kásiporyndarmen uzaq merzimdi satyp alý kelisimderin keńeitip, jergilikti ónim úlesin arttyrý jáne shaǵyn ári orta biznesti qoldaý baǵytyndaǵy baǵdarlamalardy júzege asyryp jatyr.
