قازاقستاندا وتاندىق ٶندٸرۋشٸلەردٸڭ ٶنٸمٸن ٸشكٸ نارىقتا ٸلگەرٸلەتۋ جەنە ساۋدا ينفراقۇرىلىمىنا قولجەتٸمدٸلٸگٸن كەڭەيتۋ بويىنشا جاڭا شارالار قولعا الىندى. بۇل تۋرالى ٷكٸمەت وتىرىسىندا ساۋدا جەنە ينتەگراتسييا مينيسترٸ ارمان شاققاليەۆ مەلٸمدەدٸ, دەپ حابارلايدى ult.kz.
مينيستردٸڭ ايتۋىنشا, قازاقستاندىق ٶنٸمدٸ قولداۋ ماقساتىندا تۇتىنۋشىلىق ماركەتينگتٸڭ زاماناۋي قۇرالدارى ەنگٸزٸلۋدە. ەندٸ وتاندىق تاۋارلار ساۋدا جەلٸلەرٸندەگٸ ەڭ سۇرانىسقا يە سٶرەلەرگە ورنالاستىرىلىپ, «قازاقستاندا جاسالعان» ارنايى بەلگٸسٸمەن تاڭبالانادى. سونىمەن قاتار جاڭا ٶندٸرۋشٸلەر ٷشٸن ارنايى سٶرەلەر مەن «جاسىل سٶرەلەر» قاراستىرىلعان.
وسىنداي تالاپتار Kaspi, Halyk Market, Clever, TEEZ جەنە باسقا دا قازاقستاندىق ەلەكتروندىق ساۋدا پلاتفورمالارىندا كەزەڭ-كەزەڭٸمەن ەنگٸزٸلمەك. بۇل قازاقستاندىق ٶنٸمنٸڭ ينتەرنەت-دٷكەندەردەگٸ كٶرٸنۋٸن ارتتىرىپ, تۇتىنۋشىلارعا ونى تاڭداۋدى جەڭٸلدەتەدٸ.
بۇدان بٶلەك, زاڭناماعا ەنگٸزٸلگەن ٶزگەرٸستەرگە سەيكەس, ساۋدا جەلٸلەرٸنە وتاندىق ٶندٸرۋشٸلەرمەن جەتكٸزۋ شارتتارىن جاساسۋدان نەگٸزسٸز باس تارتۋعا تىيىم سالىندى. سونداي-اق ساۋدا جەلٸلەرٸمەن جىل سايىن جاسالاتىن مەموراندۋمداردا قازاقستاندىق ٶنٸمدٸ ٶتكٸزۋدٸ ارتتىرۋعا باعىتتالعان ناقتى مٸندەتتەمەلەر بەكٸتٸلەدٸ.
ساۋدا ينفراقۇرىلىمىنداعى اشىقتىقتى قامتاماسىز ەتۋ ٷشٸن ٸرٸ ساۋدا ورتالىقتارى مەن بازارلارداعى جالداۋ اقىسىن قالىپتاستىرۋدىڭ بٸرىڭعاي ەرەجەلەرٸ ەنگٸزٸلدٸ. ەندٸ جالداۋ قۇنىن جىلىنا بٸر رەتتەن ارتىق قايتا قاراۋعا بولمايدى. سونىمەن قاتار جىل سوڭىنا دەيٸن وتاندىق ٶندٸرۋشٸلەردٸ ساۋدا جەلٸلەرٸمەن تٸكەلەي بايلانىستىراتىن QazTrade Retail تسيفرلىق پلاتفورماسىن ٸسكە قوسۋ جوسپارلانىپ وتىر.
سونىمەن بٸرگە ٷكٸمەت ٸشكٸ نارىقتى قورعاۋ ماقساتىندا بٸرقاتار قۇرىلىس ماتەريالدارىنىڭ يمپورتىن شەكتەدٸ. ٶنەركەسٸپ جەنە قۇرىلىس مينيسترٸ ەرسايىن ناعاسپاەۆتىڭ ايتۋىنشا, ٷشٸنشٸ ەلدەردەن تسەمەنت, گيپسوكارتون, تاباق شىنى, تاستان جاسالعان بۇيىمدار جەنە قۇرعاق قۇرىلىس قوسپالارىن ەكەلۋگە قويىلعان شەكتەۋلەر ٸشكٸ نارىقتاعى باعاعا كەرٸ ەسەر ەتپەي, كەرٸسٸنشە وتاندىق ٶندٸرٸستٸڭ دامۋىنا سەرپٸن بەرگەن.
ٸشكٸ نارىقتى تۇراقتى قامتاماسىز ەتۋ ٷشٸن مينەرالدى تىڭايتقىشتاردى ەكسپورتتاۋ ليتسەنزييالاۋ تەرتٸبٸ ەنگٸزٸلدٸ. بۇل فەرمەرلەردٸ تىڭايتقىشپەن بەلگٸلەنگەن باعامەن قامتاماسىز ەتۋگە مٷمكٸندٸك بەرەدٸ. سونىمەن قاتار قارا مەتاللۋرگييانى دامىتۋ, بولاتتىڭ جاڭا تٷرلەرٸن ٶندٸرۋ جەنە اۆتوموبيل, ماشينا جاساۋ مەن قۇرىلىس سالالارىنا ارنالعان ٶنٸم كٶلەمٸن ۇلعايتۋ باعىتىنداعى جۇمىستار جالعاسۋدا.
مينيستردٸڭ ايتۋىنشا, ٶندٸرٸستٸ تولىق جٷكتەۋ جەنە قازاقستاندىق ٶنٸمنٸڭ ٶتكٸزۋ نارىعىن كەڭەيتۋ ٷشٸن قازاقستاندىق تاۋار ٶندٸرۋشٸلەردٸڭ تٸزٸلٸمٸ ٸسكە قوسىلعان. ٸرٸ كومپانييالار وتاندىق كەسٸپورىندارمەن ۇزاق مەرزٸمدٸ ساتىپ الۋ كەلٸسٸمدەرٸن كەڭەيتٸپ, جەرگٸلٸكتٸ ٶنٸم ٷلەسٸن ارتتىرۋ جەنە شاعىن ەرٸ ورتا بيزنەستٸ قولداۋ باعىتىنداعى باعدارلامالاردى جٷزەگە اسىرىپ جاتىر.
