Qazaqstanda jańartylatyn energiia kózderiniń belsendi damýyna bailanysty energiia jinaqtaý júieleri jobalary iske asyrylýda. Bul jel jáne kún elektr stantsiialarynda óndirilgen energiiany jinaqtap, ony tutynýdyń sharyqtaý kezeńinde paidalanýǵa múmkindik beredi, dep habarlaidy ult.kz.
«Jasyl» energetika salasyna TotalEnergies, Masdar, China Power jáne China Energy sekildi iri halyqaralyq investorlar tartylǵan. Atalǵan kompaniialar qýattylyǵy árqaisysy 1 GVt-qa deiin jetetin jel elektr parkterin salýda. Árbir jel parki janynan qýaty 300 MVt bolatyn energiia jinaqtaý júielerin salý da kózdelgen. Búginde iske asyrylyp jatqan jobalardyń jiyntyq kólemi 1,6 GVt-ty quraidy.
Sondai-aq Qazaqstanda energojúieniń manevrlik múmkindigin arttyrýǵa baǵyttalǵan gidroakkýmýliatsiialyq elektr stantsiialaryn salý josparlanýda. Qazirgi tańda Almaty oblysynda eki GAES jobasy pysyqtalýda. GAES «energetikalyq akkýmýliator» qaǵidatymen jumys isteidi: elektr energiiasy artyq óndirilgen kezeńde sý joǵarǵy sý qoimasyna aidalady, al tutyný sharyqtaǵan ýaqytta tómenge jiberilip, týrbinalar arqyly elektr energiiasy óndiriledi.
