Qazaqstannyń bilim berý júiesinde barlyq deńgei boiynsha 600 myńǵa jýyq pedagog jumys isteidi. Bul týraly Oqý-aǵartý ministrligi málimdedi, dep habarlaidy ult.kz.
Ministrliktiń málimetinshe, elimizdiń mektepterinde 420 myńǵa jýyq pedagog eńbek etedi. Mektepke deiingi uiymdarda 104 myńnan astam, al tehnikalyq jáne kásiptik bilim berý uiymdarynda 42 myńǵa jýyq maman jumys isteidi.
Bilim berý uiymdarynyń barlyq deńgeiinde áiel pedagogterdiń úlesi basym.
Sondai-aq salada kóp jyldyq eńbek ótili bar mamandardyń sany da az emes.
Mektepterde:
- 53 myńnan astam pedagogtiń eńbek ótili 30 jyldan asady;
- 73 myńnan astam pedagog bilim berý salasynda 20 jyldan 30 jylǵa deiin eńbek etip keledi.
Mektepke deiingi uiymdarda 5 myńnan astam, al tehnikalyq jáne kásiptik bilim berý uiymdarynda 4 myńnan astam pedagogtiń eńbek ótili 30 jyldan joǵary.
Ministrlik bul kórsetkishter bilim berý júiesinde tájiribeli mamandar men jas býyn ókilderiniń qatar eńbek etip, pedagogikalyq dástúrdiń jalǵasyp kele jatqanyn kórsetetinin atap ótti.
