Konstitýtsiialyq Sottyń Tóraǵasy Elvira Azimova Qazaqstan Respýblikasy Quryltaiynyń otyrysynda konstitýtsiialyq zańdylyqtyń jai-kúii týraly jyl saiynǵy Joldaýyn jariialap, jańa Konstitýtsiia jaǵdaiynda konstitýtsiialyq baqylaýdyń qorytyndylary men zańnamany odan ári jetildirýdiń basym baǵyttaryn usyndy, dep habarlaidy ult.kz.
Qazaqstan Respýblikasy Táýelsizdiginiń 35 jyldyǵy atap ótiletin jyly jańa Konstitýtsiianyń qabyldanýy qazaqstandyq memlekettiliktiń damýyndaǵy mańyzdy kezeń boldy.
Jańa konstitýtsiialyq qaǵidattar men qundylyqtar zańnamany júieli túrde jańartýdy, quqyqtyq olqylyqtardy joiýdy jáne konstitýtsiialyq-quqyqtyq táýekelderdiń aldyn alýdy talap etedi. Osyǵan bailanysty Konstitýtsiialyq Sottyń quqyqtyq ustanymdary ózekti bolyp tabylady jáne zań jobalaryn ázirleý kezeńinde eskerilýge tiis.
Konstitýtsiialyq Sot jumysyn bastaǵannan beri 18 myńnan astam ótinish tústi. Ótinish berýshilerdiń shamamen 99%-yn azamattar qurady. Normativtik qaýlylardyń 70%-y iske asyryldy. Quqyqtyq ustanymdardyń is júzinde qoldanylýy sot aktileriniń qaita qaralýymen jáne 1 000-nan astam sot aktisinde Konstitýtsiialyq Sottyń normativtik qaýlylaryna silteme jasalýymen rastalady.
Prokýrorlyq qadaǵalaý jáne den qoiý sharalarynyń nátijesinde 1 000-nan astam azamattyń quqyqtary qalpyna keltirildi. Zańsyz óndirilgen qarajat pen zeinetaqy tólemderi boiynsha bereshek esebinen 40 million teńgeden astam qarajat qaitaryldy.
Joldaýda adam quqyqtaryn tiimdi qorǵaýdyń sharty retinde zańnamanyń sapasyna, quqyqtyq aiqyndyq, shekteýlerdiń mólsherlestigi jáne quqyqtyq retteýdiń boljamdylyǵy talaptaryna, sondai-aq memlekettik basqarýdy tsifrlandyrý jáne jasandy intellektini qoldaný kezinde konstitýtsiialyq kepildikterdi qamtamasyz etý máselelerine erekshe nazar aýdaryldy. Zańnamada jáne qoǵamdyq ómirde «Zań men Tártip» qaǵidaty jáne «Adal azamat» tujyrymdamasyn ustanýdyń mańyzdylyǵy atap ótildi.
Elvira Azimova Quryltai depýtattaryna zań shyǵarý qyzmetiniń konstitýtsiialyq negizderin nyǵaitý jónindegi Konstitýtsiialyq Sottyń usynymdaryn jetkizdi.
Konstitýtsiialyq Sottyń Tóraǵasy bul jumystyń basty nátijesi qabyldanǵan aktilerdiń sanymen emes, Konstitýtsiianyń ústemdigin qamtamasyz etýmen, azamattardyń quqyqtarynyń is júzinde qorǵalýymen jáne qoǵamnyń memleketke degen seniminiń artýymen ólshenetinin atap ótti.