Astanada Qazaqstan Halyq partiiasynyń kezekten tys sezi ótip, delegattardyń sheshimimen partiianyń jańa tóraǵasy bolyp Nursultan Shoqanov sailandy, dep habarlaidy ult.kz.
Sezd barysynda partiianyń burynǵy tóraǵasy Ermuhamet Ertisbaev sóz sóilep, sońǵy úsh jylda atqarylǵan jumystardy qorytyndylady. Ol partiia basshylyǵynyń aýysýyn saiasi uiymnyń damýy úshin zańdy ári qajetti kezeń dep baǵalady.
«Damýdyń kez kelgen kezeńi jańarýdy talap etedi. Bul — tabiǵi protsess, onsyz alǵa jyljý múmkin emes», — dedi Ermuhamet Ertisbaev.
Onyń aitýynsha, Qazaqstan Halyq partiiasy sońǵy jyldary meritokratiia, kásibi biliktilik, jaýapkershilik jáne sabaqtastyq qaǵidattaryna negizdelgen basqarý mádenietin qalyptastyrýǵa basymdyq bergen.
Sondyqtan jańa tóraǵany tańdaýda úmitkerdiń naqty jumys nátijeleri, basqarýshylyq tájiribesi, kóshbasshylyq qabileti, komandany uiystyra bilýi jáne partiiany odan ári damytý áleýeti eskerilgen.
