Қазақстан Тәуелсіздігіне 25 жыл

Qazaqstan ýniversitetteri halyqaralyq reitingte joǵary kórsetkishke ie

Qazaqstan ýniversitetteri halyqaralyq reitingte joǵary kórsetkishke ie
Pixabay.com

Qazaqstan ýniversitetteri halyqaralyq satyda joǵary reitingke kóterilip kele jatyr. Ǵylym jáne joǵary bilim ministri Saiasat Nurbektiń aitýynsha bul memlekettiń strategiialyq uzaqmerzimdi josparynyń nátijesi.

Ǵylym jáne joǵary bilim ministri elde joǵarǵy bilimdi damytýǵa laiyqty kóńil bólinip otyrǵanynyń arqasynda bedeldi britandyq QS reitingine (Quacquarelli Symonds) 18 qazaqstandyq ýniversitet endi. Al odan da kúrdeli jáne talaby qatty THE reitingine (Times Higher Education) Qazaqstannan 10 joǵary oqý orny endi.

«Bul ózimizdi maqtaǵanymyz emes, bul obektivti eki negizgi akademiialyq reitingtiń nátijeleri», — dedi Saiasat Nurbek.

Budan bólek ministr TMD elderi joǵarǵy oqý oryndary reitinginde  Nazarbaev ýniversiteti (NU) birinshi orynda turǵanyn aityp, súiinshi surady.

Sonymen qatar Aziia elderindegi joǵary oqý oryndarynyń bilim berý jáne ǵylymi-zertteý salasyndaǵy kórsetkishterin salystyratyn QS reitinginde qazaqstandyq 51 ýniversitet kirgen. Saiasat Nurbek muny «tarihi rekord» dep baǵalady.

«Onyń ishinde úsh ýniversitetimiz, Eýraziia Ulttyq ýniversiteti (EUÝ), Sátpaev ýniversiteti (Satbayev University), Ál-Farabi atyndaǵy QUÝ TOP júzdikke kirdi. Bul eń myqty nátijemiz. Sońǵy 20-30 jyldyń ishinde bizdiń óńirimizden kirgen ýniversitetterdiń eń kóp  sany Qazaqstannyń ýniversitetteri, — dedi ol maqtanyshpen.

Qazirgi tańda eń myqty nátijemiz dep ministr GII jahandyq innovatsiialyq indekstiń 73-orynda, Orta Aziiada birinshi orynda turýy ekenin aitty. Álem elderiniń innovatsiialyq damý deńgeiin baǵalaityn bul halyqaralyq reitingte sońǵy 10 jyldaǵy eń jaqsy nátijemiz ekenin aityp otyr ol.

«Ońtústik Aziiada — ekinshi orynda. Úndistan, Qazaqstan, Iran, solai ketedi... Bul da óte jaqsy kórsetkish, iaǵni bizdiń zertteý sapamyz, patenttik áreketterimiz aqyryndap bizdi osyndai jaqsy pozitsiialarǵa ákelip jatyr.

Ǵylym jáne joǵary bilim ministriniń málimetinshe, Kýrsera (Coursera) halyqaralyq onlain kompaniiasynyń jasandy intellekt baǵdarlamalary boiynsha reitinginde 55-orynǵa shyqtyq.

«Olar byiyl bizge ózderiniń eń myqty júldelerin beretin boldy. Ótken aptada bizdiń Joǵary jáne joǵary oqý ornynan keiingi bilim komitetiniń tóraǵasy Erjan Ámirbekuly Londonda biylǵy júldeni qabyldap aldy. Bytyr vitse-ministrimiz Darhan Jumaqanuly qabyldady. Eki jyl qatarynan eń joǵary júldeni Qazaqstan alatyn boldy. Bul AI Skills indeks degen, iaǵni jasandy intellekt daǵdylary indeksi.

Bul ózi-ózimizdi maqtaý emes, naqty, obektivti baǵa — osyny bárimiz bilip júrýimiz kerek», — dedi ministr S. Nurbek.

Memleket basshysy Qasym-Jomart Toqaev óz sózinde bilim men ǵylymsyz eshqandai damý da, órkendeý de bolmaityny anyq ekenin aitqan bolatyn.

«Qazaqstan bilim-ǵylym júiesin damytýǵa airyqsha mán berip otyr», - degen Prezident.